തമിഴ്‌നാട്ടില്‍ സ്ഥാനാര്‍ത്ഥി പട്ടിക പ്രഖ്യാപിച്ച് സി.പി.ഐ.എം
ഡൂള്‍ന്യൂസ് ഡെസ്‌ക്
Saturday, 13th March 2021, 6:41 pm
ചെന്നൈ: തമിഴ്‌നാട്ടില്‍ സി.പി.ഐ.എം സ്ഥാനാര്‍ത്ഥിപ്പട്ടിക പ്രഖ്യാപിച്ചു.തിരുപ്പറ കുന്‍ഡ്രത്ത് പൊന്നുത്തായിയും ഗന്ധര്‍വ്വക്കോട്ടയില്‍ എം. ചിന്നദുരെയും മത്സരിക്കും.
കോവില്‍പ്പട്ടിയില്‍ ശ്രീനിവാസനും ദിണ്ടിഗലില്‍ പാണ്ടിയും മത്സരിക്കും അരൂരില്‍ കുമാറാണ് മത്സരിക്കുന്നത്. കീഴ് വേഴൂര്‍ നാഗൈ മാളി മത്സരിക്കും.
അതേസമയം, കഴിഞ്ഞദിവസം ഡി.എം.കെ സ്ഥാനാപര്‍ത്ഥി പട്ടിക പ്രഖ്യാപിച്ചിരുന്നു. ഡി.എം.കെ നേതാവ് സ്റ്റാലിന്റെ മകന്‍ ഉദയനിധി സ്റ്റാലിന്‍ തമിഴ്നാട് നിയമസഭാ തെരഞ്ഞെടുപ്പില്‍ മത്സരിക്കും. ചെപ്പോക്ക് മണ്ഡലത്തില്‍നിന്നാണ് ഉദയനിധി സ്റ്റാലിന്‍ മത്സരിക്കുന്നത്. ഡി.എം.കെയുടെ മുഖ്യമന്ത്രി സ്ഥാനാര്‍ത്ഥിയായ എം.കെ സ്റ്റാലിന്‍ കൊളത്തൂരിലാണ് മത്സരിക്കുന്നത്.
