കൊവിഡില്‍ ചൈനയുടെ വീഴ്ച തുറന്നുകാട്ടിയതിന് ജയിലിലടച്ച മാധ്യമപ്രവര്‍ത്തകയുടെ നില ഗുരുതരം; ഇടപെട്ട് അന്താരാഷ്ട്ര മനുഷ്യാവകാശ സംഘടനകള്‍
ഡൂള്‍ന്യൂസ് ഡെസ്‌ക്
Friday, 5th November 2021, 11:58 am
ബീജിങ്: ചൈനയിലെ കൊവിഡ് വ്യാപനം റിപ്പോര്‍ട്ട് ചെയ്ത മാധ്യമപ്രവര്‍ത്തക ജയിലില്‍ അതീവ ഗുരുതരാവസ്ഥയില്‍. ഷാങ് സാന്‍ എന്ന 38 കാരിയാണ് ജയിലില്‍ അതീവ ഗുരുതരാവസ്ഥയില്‍ കഴിയുന്നത്.
കൊവിഡ് വ്യാപനത്തിന്റെ ആദ്യ ഘട്ടത്തില്‍ ചൈനയ്ക്ക് പറ്റിയ വീഴ്ചകള്‍ ഇവര്‍ റിപ്പോര്‍ട്ട് ചെയ്തിരുന്നു. കൊവിഡ് ഗുരുതരമായി ബാധിച്ച വുഹാനില്‍ അധികൃതരുടെ ഭാഗത്തുന്നിന്നുണ്ടായ വീഴ്ചകള്‍ തന്റെ മൊബൈല്‍ ഫോണില്‍ ഇവര്‍ പകര്‍ത്തിയിരുന്നു.
ഇതിന് പിന്നാലെയാണ് 2020 മെയ് മാസത്തില്‍ ഇവരെ ചൈനീസ് പൊലീസ് പിടികൂടിയത്. ഡിസംബറില്‍ ഇവര്‍ക്ക് നാല് വര്‍ഷത്തേക്ക് തടവ് ശിക്ഷയും വിധിച്ചു.
