സി.ബി.എസ്.ഇ പന്ത്രണ്ടാം ക്ലാസ് ഫലം 88.78 ശതമാനം; ഉന്നത വിജയവുമായി തിരുവനന്തപുരം മുന്നില്‍
ഡൂള്‍ന്യൂസ് ഡെസ്‌ക്
Monday, 13th July 2020, 2:20 pm
ന്യൂദല്‍ഹി: സി.ബി.എസ്.ഇ പന്ത്രണ്ടാം പരീക്ഷാ ഫലം പ്രസിദ്ധീകരിച്ചു. ആകെ വിജയശതമാനം 88.78 ശതമാനമാണ്. കഴിഞ്ഞ വര്‍ഷം ഇത് 83.40 ശതമാനമായിരുന്നു.
അതേസമയം മേഖലാടിസ്ഥാനത്തില്‍ തിരുവനന്തപുരമാണ് ഏറ്റവും മുന്നില്‍. ജില്ലയിലെ വിജയശതമാനം 97.67 ആണ്. തൊട്ടുപിന്നില്‍ ബംഗളുരുവാണ്. 97.05 ശതമാനമാണ് ബംഗളുരുവിന്റെ വിജയശതമാനം.
കൊവിഡ് പ്രതിരോധത്തിന്റെ ഭാഗമായി പൂര്‍ത്തിയാക്കാനാവാതെ പോയ പരീക്ഷകളുടെ മാര്‍ക്കുകള്‍ നേരത്തെ പ്രസിദ്ധീകരിച്ച നിര്‍ദ്ദേശങ്ങള്‍ക്കനുസരിച്ചാണ് തയ്യാറാക്കിയിരുന്നത്. അതേസമയം പന്ത്രണ്ടാം ക്ലാസിലെ കുട്ടികള്‍ക്ക് മാര്‍ക്ക് മെച്ചമെടുത്താന്‍ വീണ്ടും ഓപ്ഷണല്‍ പരീക്ഷയെഴുതാന്‍ അവസരം നല്‍കും.
