ചേരി-ചേരാ പ്രസ്ഥാനം, ഇസ്‌ലാമിക സാമ്രാജ്യങ്ങളുടെ ഉദയം; പാഠഭാഗങ്ങള്‍ ഒഴിവാക്കാന്‍ സി.ബി.എസ്.ഇ
ഡൂള്‍ന്യൂസ് ഡെസ്‌ക്
Saturday, 23rd April 2022, 7:51 pm
ന്യൂദല്‍ഹി: ചേരി-ചേരാ പ്രസ്ഥാനം, ശീതസമര കാലഘട്ടം, ആഫ്രോ-ഏഷ്യന്‍ പ്രദേശങ്ങളിലെ ഇസ് ലാമിക സാമ്രാജ്യങ്ങളുടെ ഉദയം, മുഗള്‍ കോടതികള്‍, വ്യവസായ വിപ്ലവം തുടങ്ങിയ പാഠഭാഗങ്ങള്‍ സിലബസില്‍നിന്ന് ഒഴിവാക്കാന്‍ ഒരുങ്ങി സി.ബി.എസ്.ഇ
11, 12 ക്ലാസുകളിലെ ഹിസ്റ്ററി, പൊളിറ്റിക്കല്‍ സയന്‍സ് സിലബസില്‍ നിന്നാണ് പാഠഭാഗങ്ങള്‍ ഒഴിവാക്കുന്നത്.
പത്താംക്ലാസിലെ ‘ഭക്ഷ്യ സുരക്ഷ’ എന്ന പാഠഭാഗത്ത് ‘കാര്‍ഷികമേഖലയില്‍ ആഗോളവത്കരണത്തിന്റെ പ്രത്യാഘാതങ്ങള്‍’ എന്ന ഭാഗവും ഒഴിവാക്കി. ഉറുദു കവിയായ ഫൈസ് അഹമ്മദ് ഫൈസിന്റെ കവിതയും സിലബസില്‍നിന്ന് ഒഴിവാക്കിയിട്ടുണ്ട്.
