യു.പിയില്‍ കന്നുകാലി വ്യാപാരിയെ മകളുടെ മുന്നിലിട്ട് വെടിവെച്ച് കൊന്നു
ഡൂള്‍ന്യൂസ് ഡെസ്‌ക്
Saturday, 6th November 2021, 7:58 pm
ലഖ്‌നൗ: ഉത്തര്‍പ്രദേശില്‍ കന്നുകാലി വ്യാപാരിയെ വെടിവെച്ചു കൊന്നു. 35 കാരനായ കമാല്‍ ഖാനാണ് കൊല്ലപ്പെട്ടത്.
പി.ടി.ഐയാണ് ഇക്കാര്യം റിപ്പോര്‍ട്ട് ചെയ്യുന്നത്.
മൂന്ന് വയസുകാരിയായ മകളുടെ മുന്നില്‍ വെച്ചാണ് കമാല്‍ ഖാനെ അക്രമികള്‍ വെടിവെച്ചത്.
വെള്ളിയാഴ്ച രാത്രി വിവാഹച്ചടങ്ങില്‍ പങ്കെടുത്ത് മകളുമായി മടങ്ങുമ്പോഴാണ് സംഭവം. വെള്ളം വാങ്ങാന്‍ കാര്‍ നിര്‍ത്തിയപ്പോള്‍ ഒരു സംഘം വെടിയുതിര്‍ക്കുകയായിരുന്നു.
