കൊല്‍ക്കത്ത: പ്രമുഖ ക്യാമറ നിര്‍മാതാക്കളായ കാനണ്‍ ഇന്ത്യയില്‍ വില വെട്ടിച്ചുരുക്കുന്നു. തിരഞ്ഞെടുക്കപ്പെട്ട മോഡലുകളുടെ വിലയാണ് വെട്ടിക്കുറച്ചിരിക്കുന്നത്. 500 രൂപ മുതല്‍ 11,000 രൂപ വരെയാണ് വില കുറക്കുന്നത്. കൂടാതെ കമ്പനിയുടെ പ്രമോഷന്റെ ഭാഗമായി 142 നിക്ഷേപവും കാനണ്‍ പദ്ധതിയിടുന്നുണ്ട്.[]

മൂന്ന് ഡിഎസ്എല്‍ആര്‍ ഉള്‍പ്പെടെ 13 ഡിജിറ്റല്‍ ക്യാമറകളുടെ വിലയാണ് കുറച്ചിരിക്കുന്നത്. ഇതിലൂടെ 2,100 കോടിയുടെ അധിക വരുമാനമാണ് ഈ വര്‍ഷം കമ്പനി പ്രതീക്ഷിക്കുന്നത്.

രാജ്യത്തെ നഗരങ്ങളില്‍ റീട്ടൈയില്‍ ഷോറൂം ആരംഭിക്കാനും കമ്പനി തീരുമാനിച്ചിട്ടുണ്ട്. ഈ വര്‍ഷം മാത്രം 25 പുതിയ ഉത്പന്നങ്ങളാണ് കാനണ്‍ വിപണിയിലെത്തിച്ചത്. കഴിഞ്ഞ വര്‍ഷത്തെ കമ്പനിയുടെ വരുമാനം 1,525 കോടിയായിരുന്നു.

ഉത്സവ സീസണ്‍ മുന്നില്‍ കണ്ടാണ് കാനണ്‍ ക്യാമറകളുടെ വില കുറച്ചിരിക്കുന്നത്.