വീണ്ടും വിസ്മയിപ്പിക്കുന്ന മമ്മൂട്ടി; പെര്‍ഫോമന്‍സില്‍ ഞെട്ടിച്ച് അര്‍ജുന്‍ അശോകനും സിദ്ധാര്‍ത്ഥും; ഭ്രമയുഗം ആദ്യപ്രതികരണം
എന്റര്‍ടെയിന്‍മെന്റ് ഡെസ്‌ക്
Thursday, 15th February 2024, 1:41 pm
മമ്മൂട്ടിയെ പ്രധാനകഥാപാത്രമാക്കി രാഹുല്‍ സദാശിവന്‍ സംവിധാനം ചെയ്ത ഭ്രമയുഗം തിയേറ്ററിലെത്തിയിരിക്കുകയാണ്. മികച്ച പ്രതികരണമാണ് ആദ്യ ഷോയ്ക്ക് ശേഷം ചിത്രത്തിന് ലഭിക്കുന്നത്.
മമ്മൂട്ടിയെന്ന അതികായനായ മഹാനടന്റെ അഭിനയ വിസ്മയമാണ് ഭ്രമയുഗമെന്നാണ് സിനിമ കണ്ടിറങ്ങിയവര്‍ ഒരേപോലെ അഭിപ്രായപ്പെടുന്നത്. ഇനിയും പരീക്ഷിച്ചു തീര്‍ന്നിട്ടില്ല നൂറ് ഭാവങ്ങള്‍ ആവാഹിച്ചെടുക്കുന്ന അഭിനയപാഠവം വിസ്മയിപ്പിക്കുന്നുവെന്നാണ് ആരാധകര്‍ പറയുന്നത്.
മമ്മൂട്ടിയുടെ കരിയറിലെ മികച്ച കഥാപാത്രങ്ങളിലൊന്നായി ഭ്രമയുഗത്തിലെ കൊടുമണ്‍ പോറ്റിയെ അടയാളപ്പെടുത്തുമെന്നാണ് പ്രേക്ഷര്‍ ഒരേ സ്വരത്തില്‍ പറയുന്നത്. ഭ്രമയുഗത്തിലെ ഓരോ രംഗത്തിലും അദ്ദേഹം കൊണ്ടുവരുന്ന ഭാവങ്ങള്‍ മറ്റൊരു സിനിമയിലും അദ്ദേഹം ഉപയോഗിച്ച് കണ്ടിട്ടില്ലാത്തതാണ്.
