നീയൊക്കെ രാവണനെപ്പോലെ മുടിഞ്ഞ് പോകുമെടാ..; താന്‍ കബഡി കളിക്കുന്ന വീഡിയോ പുറത്തുവിട്ടയാളെ 'ശപിച്ച്' പ്രഗ്യ സിംഗ്
ഡൂള്‍ന്യൂസ് ഡെസ്‌ക്
Saturday, 16th October 2021, 5:18 pm
മുംബൈ: താന്‍ കബഡി കളിക്കുന്ന വീഡിയോ പ്രചരിപ്പിച്ചയാളെ ‘ശപിച്ച്’ മാലേഗാവ് സ്ഫോടനക്കേസ് പ്രതിയും ഭോപ്പാല്‍ എം.പിയുമായ പ്രഗ്യാ സിംഗ് താക്കൂര്‍. ഇത് ചെയ്തവന്റെ ജീവിതം രാവണനെപ്പോലെ വാര്‍ധക്യത്തിലും അടുത്ത ജന്‍മത്തിലും തുലഞ്ഞുപോകട്ടെ എന്നാണ് പ്രഗ്യ പറഞ്ഞത്.
താന്‍ ദുര്‍ഗാ പൂജയോടനുബന്ധിച്ച് ആരതി ഉഴിയാന്‍ പോയതായിരുന്നെന്നും അതിനിടെ ചില കായികതാരങ്ങള്‍ കബഡി കളിക്കുന്നത് കണ്ട് അവിടേക്ക് പോകുകയായിരുന്നെന്നും പ്രഗ്യ പറയുന്നു.
ഇതിന്റെ ദൃശ്യമാണ് പ്രചരിക്കുന്നതെന്നും പ്രഗ്യ കൂട്ടിച്ചേര്‍ത്തു.
ഗുരുതരമായ ആരോഗ്യപ്രശ്‌നങ്ങളുണ്ടെന്ന് ചൂണ്ടിക്കാട്ടിയാണ് പ്രഗ്യ ജാമ്യത്തിലിറങ്ങിയത്. ഇതിന് പിന്നാലെയാണ് പ്രഗ്യ കബഡി കളിക്കുന്ന വീഡിയോ പുറത്തായത്.
