ക്ഷേത്രങ്ങളില്‍ ഭജന സംഘടിപ്പിക്കുന്നതിന് എം.പി ഫണ്ട് ഉപയോഗിക്കാന്‍ നിര്‍ദേശം നല്‍കി ബി.ജെ.പി എം.പി
ഡൂള്‍ന്യൂസ് ഡെസ്‌ക്
Monday, 12th December 2022, 10:53 pm
ലഖ്‌നൗ: ക്ഷേത്രങ്ങളില്‍ ഭജന സംഘടിപ്പിക്കുന്നതിന് എം.പി ഫണ്ട് ഉപയോഗിക്കാന്‍ ഉദ്യോഗസ്ഥര്‍ക്ക് നിര്‍ദേശം നല്‍കി ബി.ജെ.പി എം.പി. ഉത്തര്‍പ്രദേശിലെ ബല്ലിയ മണ്ഡലത്തില്‍ നിന്നുള്ള എം.പിയായ വീരേന്ദ്ര സിങ് മസ്താണ് വിവാദ തീരുമാനമെടുത്തത്. നാല് തവണ ലോക്സഭാ എം.പിയായ ആളാണ് മസ്ത്.
ക്ഷേത്രങ്ങളുടെ സര്‍വേ ഉടന്‍ ആരംഭിക്കുമെന്നും ബല്ലിയ നഗര്‍ പാലിക എക്സിക്യൂട്ടീവ് ഓഫീസര്‍ സത്യപ്രകാശ് സിങ് പറഞ്ഞു.
മണ്ഡലത്തിലെ മുനിസിപ്പല്‍ കൗണ്‍സില്‍ പരിധിയിലുള്ള എല്ലാ ചെറുതും വലുതുമായ ക്ഷേത്രങ്ങളില്‍ സര്‍വേ നടത്തി ‘ഭജന-കീര്‍ത്തനം'(ഭക്തിഗാനങ്ങള്‍) സംഘടിപ്പിക്കാനും, അതിനായി സംഗീതോപകരണങ്ങള്‍ വാങ്ങാന്‍ വേണ്ടത് ചെയ്യണമെന്നും അതിനായി എം.പി ഫണ്ട് ഉപയോഗിക്കാമെന്നുമാണ് അദ്ദേഹം പറഞ്ഞത്.
