ബെവ്ക്യൂ ആപ്പ്; എക്‌സൈസ് മന്ത്രി യോഗം വിളിച്ചു; രണ്ടാം ദിവസവും സാങ്കേതിക തകരാറുകള്‍ നേരിടുന്നതായി പരാതി
ഡൂള്‍ന്യൂസ് ഡെസ്‌ക്
Friday, 29th May 2020, 2:02 pm
തിരുവനന്തപുരം: സംസ്ഥാനത്ത് മദ്യ വിതരണത്തിന് വിര്‍ച്വല്‍ ക്യൂ ഏര്‍പ്പെടുത്തുന്നതിനായി സജ്ജമാക്കിയ ബെവ് ക്യൂ ആപ്പില്‍ രണ്ടാമത്തെ ദിവസവും സാങ്കേതിക പ്രശ്‌നങ്ങള്‍ നേരിടുന്നതായി റിപ്പോര്‍ട്ട്.
വിഷയത്തില്‍ ഇടപെട്ട എക്‌സൈസ് മന്ത്രി ഉന്നതതലയോഗം വിളിച്ചു. ബെവ്‌കോ അധികൃതരടക്കം ഉച്ചയ്ക്ക് രണ്ട് മണിക്ക് നടക്കുന്ന യോഗത്തില്‍ പങ്കെടുക്കും.
ആദ്യ ഒരു ദിവസം കൊണ്ടുതന്നെ മദ്യം വാങ്ങുന്നതിനുള്ള തിരക്ക് കുറഞ്ഞെന്നാണ് വകുപ്പിന്റെ വിലയിരുത്തല്‍. ഇക്കാര്യങ്ങള്‍ ചര്‍ച്ച ചെയ്യാനാണ് യോഗം വിളിച്ചത്.
അതിനിടെ പല ബാറുകളും ആപ്പ് വഴിയുള്ള ടോക്കണ്‍ ഇല്ലാതെ തന്നെ മദ്യവില്‍പ്പന നടത്തിയതായുള്ള റിപ്പോര്‍ട്ടുകളും ഉണ്ട്. മൊബൈല്‍ ആപ്പ് ഇല്ലാത്തവരും വൃദ്ധരുമടക്കം നിരവധി പേരാണ് കഴിഞ്ഞ ദിവസം മദ്യം വാങ്ങാനായി ബാറുകളിലെത്തിയത്.
