സര്‍ക്കാര്‍ ജീവനക്കാര്‍ക്കുള്ള ഡി.എ 10 ശതമാനമായി വര്‍ധിപ്പിച്ച് ബംഗാള്‍ സര്‍ക്കാര്‍; നാല് ശതമാനം വര്‍ധന ഭിക്ഷയാണെന്ന് ജീവനക്കാര്‍
ഡൂള്‍ന്യൂസ് ഡെസ്‌ക്
Thursday, 21st December 2023, 10:11 pm
കൊല്‍ക്കത്ത: സര്‍ക്കാര്‍ ജീവനക്കാര്‍ക്കുള്ള ക്ഷാമബത്ത (ഡി.എ) 10 ശതമാനമായി വര്‍ധിപ്പിച്ച് പശ്ചിമ ബംഗാള്‍ മുഖ്യമന്ത്രി മമത ബാനര്‍ജി. സംസ്ഥാനത്തെ ജീവനക്കാര്‍ക്ക് നിലവില്‍ ആറ് ശതമാനം ഡി.എ ലഭിക്കുന്നുണ്ട്. 2024 ജനുവരി 1 മുതല്‍ ക്ഷാമബത്ത നാല് ശതമാനം കൂട്ടി 10 ആക്കി ഇരട്ടിപ്പിച്ച് പദ്ധതി നടപ്പിലാക്കുമെന്ന് സര്‍ക്കാര്‍ വൃത്തങ്ങള്‍ അറിയിച്ചു.
അതേസമയം പുതിയ നീക്കം പ്രാബല്യത്തില്‍ വരുമ്പോഴും സംസ്ഥാനത്തെ സര്‍ക്കാര്‍ ജീവനക്കാര്‍ക്കും കേന്ദ്ര സര്‍ക്കാരിലെ സഹപ്രവര്‍ത്തകര്‍ക്കും ലഭിക്കുന്ന ഡി.എ നിരക്കിലെ അന്തരം 36 ശതമാനമായി തുടരുന്നുവെന്നാണ് റിപ്പോര്‍ട്ടുകള്‍. കേന്ദ്ര സര്‍ക്കാര്‍ ജീവനക്കാര്‍ക്ക് 46 ശതമാനം ഡി.എ നല്‍കുന്നുണ്ടെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.
