'എല്ലാം തീരാന്‍ പോകുന്നു, കറന്റ് ഓഫ് ചെയതെങ്കിലും ഈ ടീമിനെ രക്ഷിക്കൂ'; ബാഴ്‌സ ആരാധകര്‍ ട്വിറ്ററില്‍
സ്പോര്‍ട്സ് ഡെസ്‌ക്
Friday, 25th August 2023, 11:30 pm
ഫുട്‌ബോള്‍ ചരിത്രത്തില്‍ തന്നെ ഏറ്റവും ആരാധകരുള്ള ക്ലബ്ബുകളിലൊന്നാണ് എഫ്.സി ബാഴ്‌സലോണ. സ്പാനിഷ് ക്ലബ്ബായ ബാഴ്‌സക്ക് ലോകമെമ്പാടും കടുത്ത ആരാധകരുണ്ട്.
ടീമിന്റെ ഉയര്‍ച്ചയിലും താഴ്ചയിലും അവര്‍ ടീമിനെ കൈവിട്ടിട്ടില്ല. മെസിയടക്കം ഒരുപാട് ലെജന്‍ഡ്‌സ് ടീമില്‍ നിന്നും പോയിട്ടും ആരാധകര്‍ ടീമിനെ കയ്യൊഴിഞ്ഞില്ലായിരുന്നു.
എന്നാല്‍ ടീമിന്റെ കടത്തില്‍ ആരാധകര്‍ തൃപ്തരല്ല. പല താരങ്ങളെയും വിറ്റിട്ടും. ടീമിന്റെ എക്കോണമി ലെവല്‍ ചെയ്തിട്ടും ഇപ്പോഴും ബാഴ്‌സ കടത്തിലാണെന്നുള്ളത് ആരാധകരെ ചൊടിപ്പിക്കുന്നുണ്ട്.
ബാഴ്‌സലോണയുടെ എക്കോണമിക്ക് വൈസ് പ്രസിഡന്റ് പറയുന്നത് പ്രകാരം ടീമിന് ആ വര്‍ഷം ജൂണിലും 1.35 ബില്യണ്‍ ഡെപ്റ്റുണ്ട്. അതിന് ശേഷം ക്ലബ്ബ് അവരുടെ ബാധ്യതകള്‍ കുറക്കുന്നതിനുള്ള നടപടികള്‍ തുടരുകയാണ്.
