പ്രൊഡക്ഷന് ടീമിന് വേറെ ആളെ ആയിരുന്നു വേണ്ടത്, എന്നാല്‍ എന്നെ തന്നെ വേണമെന്ന് പ്രിയന്‍ സാര്‍ പറഞ്ഞു: അശോക് സെല്‍വന്‍
എന്റര്‍ടെയിന്‍മെന്റ് ഡെസ്‌ക്
Monday, 19th June 2023, 11:00 pm
സംവിധായകന്‍ പ്രിയദര്‍ശനോടൊപ്പമുള്ള അനുഭവങ്ങള്‍ പങ്കുവെക്കുകയാണ് നടന്‍ അശോക് സെല്‍വന്‍. മരക്കാര്‍; അറബിക്കടലിന്റെ സിംഹം, സില സമയങ്കളില്‍ എന്നീ ചിത്രങ്ങളില്‍ പ്രൊഡക്ഷന് ടീമിന് വേറെ ആളെ കാസ്റ്റ് ചെയ്യണമെന്നുണ്ടായിരുന്നുവെന്നും എന്നാല്‍ പ്രിയദര്‍ശന്‍ തന്നെ വേണമെന്ന് വാശി പിടിക്കുകയായിരുന്നു എന്നും അശോക് പറഞ്ഞു. ഫില്‍മി ബീറ്റിന് നല്‍കിയ അഭിമുഖത്തിലായിരുന്നു പ്രിയദര്‍ശനെ കുറിച്ച് അശോക് സെല്‍വന്‍ പറഞ്ഞത്.
‘അദ്ദേഹം ഒരു മാസ്റ്ററാണ്, ലെജന്റാണ്, ഒരുപാട് വഴക്കിട്ട് എന്നെ സിനിമകളിലേക്ക് അദ്ദേഹം കാസ്റ്റ് ചെയ്യാറുണ്ട്. സില സമയങ്കളില്‍ എന്ന സിനിമയില്‍ അങ്ങനെയായിരുന്നു. പ്രൊഡക്ഷന് വേറെ ആളെയായിരുന്നു വേണ്ടത്. ഈ റോള്‍ ചെയ്യാന്‍ എനിക്ക് അശോകിനെ തന്നെ വേണമെന്ന് അദ്ദേഹം പറഞ്ഞു.
