മനേക ബി.ജെ.പി. എം.പിയാണെന്ന് പറയാന്‍ നാണക്കേട്; മനേകാ ഗാന്ധിയെ തള്ളിപ്പറഞ്ഞ് ബി.ജെ.പി. നേതാവ്
ഡൂള്‍ന്യൂസ് ഡെസ്‌ക്
Saturday, 26th June 2021, 7:55 pm
ഭോപ്പാല്‍: ബി.ജെ.പി. എം.പി. മനേക ഗാന്ധിയെ തള്ളിപ്പറഞ്ഞ് മുന്‍ മധ്യപ്രദേശ് മന്ത്രിയും ബി.ജെ.പി.നേതാവുമായ അജയ് വൈഷ്‌ണോയി.
തന്റെ പാര്‍ട്ടിയില്‍ നിന്നുള്ള എം.പിയാണ് മനേക എന്നുപറയാന്‍ തനിക്ക് നാണം തോന്നുന്നുവെന്നാണ് അജയ് പറഞ്ഞത്.
ജബല്‍പൂര്‍ വെറ്ററിനറി കോളേജിലെ വെറ്ററിനറി ഡോക്ടര്‍ വികാസ് ശര്‍മയോട് മോശമായി സംസാരിച്ചുവെന്ന പരാതിക്ക് പിന്നാലെയാണ് ബി.ജെ.പി. നേതാവിന്റെ പ്രതികരണം.
മനേക ഒരു പാര്‍ട്ടി എം.പിയാണ് വെറുമൊരു നേതാവു മാത്രമല്ലെന്ന് ഓര്‍ക്കണമെന്നും മനേക പറഞ്ഞതോര്‍ത്ത് തനിക്ക് ലജ്ജയുണ്ടെന്നും അജയ് പറഞ്ഞു.
