പൗരന്മാര്‍ക്കില്ലാത്ത ദീര്‍ഘകാല അവധി കോടതിക്ക് എന്തിന്, ബ്രിട്ടീഷ് നിയമങ്ങള്‍ മാത്രം മാറ്റിയാല്‍ മതിയോ: അല്‍ഫോണ്‍സ് പുത്രന്‍
എന്റര്‍ടെയിന്‍മെന്റ് ഡെസ്‌ക്
Thursday, 12th May 2022, 11:37 am
കോടതികള്‍ ദീര്‍ഘകാല അവധിയിലേക്ക് പോകുന്നതിനെതിരെ പ്രതികരണവുമായി സംവിധായകന്‍ അല്‍ഫോണ്‍സ് പുത്രന്‍. സാധാരണ പൗരന്മാര്‍ക്കില്ലാത്ത അവധി കോടതികള്‍ക്ക് ആവശ്യമാണോ എന്ന് അല്‍ഫോണ്‍സ് ഫേസ്ബുക്കില്‍ പങ്കുവെച്ച കുറിപ്പില്‍ ചോദിക്കുന്നു.
ഭക്ഷണത്തില്‍ വിഷം കലര്‍ന്ന പ്രശ്നം വരുമ്പോള്‍ കോടതി അവധിയാണെങ്കില്‍ ആ അവധി കഴിയുന്നത് വരെ വിഷം മറ്റ് സ്ഥലങ്ങളിലേക്കും പകരില്ലേയെന്നും അദ്ദേഹം പറയുന്നു. അല്‍ഫോണ്‍സിനെ പിന്തുണച്ച് നിരവധി പ്രതികരണങ്ങളാണ് പോസ്റ്റിന് ലഭിക്കുന്നത്.
‘കോടതിക്ക് അവധിയുണ്ടെങ്കില്‍, ജോലി ചെയ്യുന്ന ഓരോ പൗരനും അവധി നല്‍കണം. എന്നെ സംബന്ധിച്ചിടത്തോളം ഭക്ഷണം കോടതിയേക്കാള്‍ പ്രധാനമാണ്. എന്നാല്‍ നിങ്ങളുടെ അടുത്ത് വിഷം കലര്‍ന്ന ഭക്ഷണം സംബന്ധിച്ച പ്രശ്നങ്ങളുണ്ടെങ്കില്‍ എന്തുചെയ്യും… കോടതിയാണ് പ്രശ്നം പരിഹരിക്കാന്‍ പ്രവര്‍ത്തിക്കേണ്ടത്.
