പുഷ് അപ്പ് ബാര്‍ കയ്യിലെടുത്ത് പ്രണവ്, മുണ്ട് കുരുങ്ങി അജു; ചിരി പടര്‍ത്തി ഷൂട്ടിംഗ് സെറ്റിലെ വീഡിയോ
എന്റര്‍ടെയിന്‍മെന്റ് ഡെസ്‌ക്
Sunday, 20th February 2022, 12:39 pm
ജനുവരി 21ന് തിയറ്ററുകളിലെത്തിയ വിനീത് ശ്രീനിവാസന്‍ ചിത്രം ‘ഹൃദയ’ത്തെ നിറഞ്ഞ കയ്യടികളോടെയാണ് പ്രേക്ഷകര്‍ സ്വീകരിച്ചത്. വിനീതിന്റെ സംവിധാനത്തെയും പ്രണവിന്റെ അഭിനയത്തെയും പ്രശംസിച്ച് നിരവധി പേരാണ് രംഗത്തെത്തിയത്. തുടര്‍ച്ചയായ അഞ്ചാം വാരത്തിലും മികച്ച പ്രതികരണവുമായി ഹൃദയം പ്രദര്‍ശനം തുടരുകയാണ്.
ഇപ്പോഴിതാ ഷൂട്ടിനിടയില്‍ സംഭവിച്ച രസകരമായ വീഡിയോ പങ്കുവെക്കുകയാണ് അജു വര്‍ഗീസ്. പുഷ് അപ്പ് ബാര്‍ കയ്യിലെടുത്ത് തല്ലാനൊരുങ്ങി നില്‍ക്കുന്ന പ്രണവിന് മോണോപ്പോട് എടുത്തു കൊടുക്കുന്ന അജു വര്‍ഗീസിനെയാണ് വീഡിയോയില്‍ കാണുന്നത്.
പിന്നാലെ മാസായി പൊക്കിയുടുങ്ങുന്ന അജുവിന്റെ മുണ്ട് മോണോപ്പോടില്‍ കുരുങ്ങുകയായിരുന്നു. എന്തായാലും അജു പങ്കുവെച്ച വീഡിയോ സോഷ്യല്‍ മീഡിയയില്‍ ചിരി പടര്‍ത്തുകയാണ്.
