കോഴിക്കോട്: അഡ്വക്കേറ്റ് ജനറല്‍ എന്ന രീതിയില്‍ ഏറ്റവും വലിയ വെല്ലുവിളി നേരിട്ടത് ലാവ്‌ലിന്‍ കേസിലായിരുന്നുവെന്ന് സി.പി സുധാകരപ്രസാദ്. മാതൃഭൂമിയ്ക്ക് നല്‍കിയ അഭിമുഖത്തില്‍ സംസാരിക്കുകയായിരുന്നു അദ്ദേഹം.
‘ലാവ്‌ലിന്‍ കേസില്‍ പിണറായി ചെയ്തതെല്ലാം ശരിയാണെന്ന അഭിപ്രായമായിരുന്നു ആദ്യം മുതല്‍ എനിക്കുണ്ടായിരുന്നത്. അതിന് അനുസരിച്ചാണ് നിലപാട് സ്വീകരിച്ചത്. ലാവ്‌ലിന്‍ കേസില്‍ വി.എസിന്റെ ധാരണ മറിച്ചായിരുന്നല്ലോ. പക്ഷേ എന്റെ ബോധ്യത്തിന് അനുസരിച്ചാണ് കേസില്‍ നിലപാട് സ്വീകരിച്ചത്.’, സുധാകരപ്രസാദ് പറഞ്ഞു.
സത്യമെന്ന് വ്യക്തിപരമായി തോന്നിയതിനാലാണ് അത്തരമൊരു നിലപാടെടുത്തതെന്നും അദ്ദേഹം പറഞ്ഞു. വലിയ സംഘര്‍ഷങ്ങളൊക്കെ ഉണ്ടായിരുന്നു. അഡ്വക്കേറ്റ് ജനറല്‍ സ്ഥാനം വരെ പോകാമെന്ന അവസ്ഥയുണ്ടായിരുന്നുവെന്നും അദ്ദേഹം പറഞ്ഞു.
കേസിന്റെ യാഥാര്‍ത്ഥ്യങ്ങള്‍ പരിശോധിച്ച് ബോധ്യപ്പെട്ടതില്‍ നിന്നായിരുന്നു നിലപാട് സ്വീകരിച്ചത്. 90 ശതമാനമായിരുന്നു അന്ന് പവര്‍കട്ട്.
എന്നാല്‍ വി.എസ് അപ്പോള്‍ എതിരായി പറയും. എന്നൊക്കെ എസ്.എന്‍.സി ലാവ്‌ലിന്‍ കേസ് താന്‍ കൈകാര്യം ചെയ്തിട്ടുണ്ടോ, അന്നെല്ലാം ഒരാഴ്ചത്തേക്ക് വി.എസിന് പിണക്കമായിരിക്കുനമെന്നും സുധാകരപ്രസാദ് പറഞ്ഞു.
‘ഒരാഴ്ച കഴിയുമ്പോള്‍ വി.എസ് എല്ലാം മറക്കും. വി.എസുമായി കോര്‍ക്കേണ്ടി വന്നിട്ടുണ്ട്. പക്ഷേ അദ്ദേഹത്തിന് അറിയാമായിരുന്നു ഞാന്‍ സത്യസന്ധമായിട്ട് നിലപാട് എടുക്കുമെന്ന്. സത്യം വിട്ട് വി.എസും നിലപാട് സ്വീകരിക്കുമായിരുന്നില്ലല്ലോ’, അദ്ദേഹം കൂട്ടിച്ചേര്‍ത്തു.
