ബീസ്റ്റിലെ ഭാഗങ്ങള്‍ പൂര്‍ത്തിയാക്കി വിജയ്, സോഷ്യല്‍ മീഡിയയില്‍ വൈറലായി ചിത്രങ്ങള്‍
എന്റര്‍ടെയിന്‍മെന്റ് ഡെസ്‌ക്
Saturday, 11th December 2021, 11:22 pm
ചെന്നൈ: ഡോക്ട്ന്‍ സിനിമയ്ക്ക് ശേഷം നെല്‍സണ്‍ ദിലീപ് കുമാര്‍ സംവിധാനം ചെയ്യുന്ന ബീസ്റ്റ് എന്ന ചിത്രത്തിലെ തന്റെ ഭാഗം പൂര്‍ത്തിയാക്കി നടന്‍ വിജയ്. ചിത്രത്തിന്റെ സംവിധായകന്‍ നെല്‍സണ്‍ തന്നെയാണ് വിജയ് സിനിമയിലെ ഭാഗങ്ങള്‍ പൂര്‍ത്തിയാക്കിയ കാര്യം ആരാധകരെ അറിയിച്ചത്.
ഗാനരംഗത്തിന്റെ ഭാഗമാണ് വിജയുടെതായി അവസാനം ചിത്രീകരിച്ചത്. സെറ്റില്‍ അവസാന ഷോട്ടിന് ശേഷം തന്നെ കെട്ടിപ്പിടിച്ച് യാത്ര പറയുന്ന വിജയുടെ ചിത്രവും നെല്‍സണ്‍ പങ്കുവെച്ചു.
നേരത്തെയും ചിത്രത്തിന്റെ ലൊക്കേഷന്‍ ചിത്രങ്ങള്‍ സോഷ്യല്‍ മീഡിയയില്‍ വൈറലായിരുന്നു. വിജയ് ക്യാമറയില്‍ എടുത്ത ഒരു ചിത്രവും കഴിഞ്ഞ ദിവസം നെല്‍സണ്‍ പങ്കുവെച്ചിരുന്നു.
