നമ്മള്‍ മാറിയെന്ന് പറയുന്ന പല കാര്യങ്ങളും സമൂഹത്തില്‍ മാറിയിട്ടില്ലെന്ന് നടന്‍ ഷൈന്‍ ടോം ചാക്കോ. തന്റെ നാട്ടില്‍ ആണ്‍കുട്ടികളും പെണ്‍കുട്ടികളും ഒരുമിച്ച് നടന്നാല്‍ പ്രശ്‌നമാണെന്നും പണ്ട് ആണിനും ആണിനും പെണ്ണിനും പെണ്ണിനും ഒരുമിച്ച് നടക്കാന്‍ പറ്റുമായിരുന്നു ഇന്ന് അതും പ്രശ്‌നമാണെന്ന് ഷൈന്‍ പറഞ്ഞു. മൈല്‍സ്റ്റോണ്‍ മേക്കേഴ്‌സിന് നല്‍കിയ അഭിമുഖത്തിലാണ് ഷൈന്‍ ടോം ചാക്കോ ഇക്കാര്യങ്ങള്‍ പറഞ്ഞത്.
”ഞങ്ങളുടെ നാട്ടില്‍ ഒന്നും ആണിനും പെണ്ണിനും ഒരുമിച്ച് നടക്കാന്‍ പോലും പറ്റില്ല. ആണും പെണ്ണും ഒരുമിച്ച് നടന്നാല്‍ ഭയങ്കര പ്രശ്‌നമാണ്. പണ്ട് ആണിനും ആണിനും ഒരുമിച്ച് നടക്കാം പെണ്ണിനും പെണ്ണിനും അതുപോലെ നടക്കാം.
അതൊക്കെ നാച്ചുറലായിട്ടുള്ള കാര്യമാണ്, പക്ഷെ ആണിനും പെണ്ണിനും നടക്കാന്‍ പറ്റില്ല. എന്നാല്‍ ഇപ്പോള്‍ ആണും ആണും അതുപോലെ പെണ്ണും പെണ്ണും ഒരുമിച്ചാലാണ് പ്രശ്‌നം.
