ലാലേട്ടനുമായിട്ടായിരുന്നു അമ്മയുടെ കുടുംബത്തിന് അടുപ്പമെങ്കിലും ഞാന്‍ കുട്ടിക്കാലത്ത് സമയം ചെലവഴിച്ചിരുന്നത് മമ്മൂക്കയുടെ വീട്ടില്‍: പൃഥ്വിരാജ്
എന്റര്‍ടെയിന്‍മെന്റ് ഡെസ്‌ക്
Thursday, 29th July 2021, 10:32 am
മമ്മൂട്ടിയെ കുറിച്ചുള്ള തന്റെ കുട്ടിക്കാലത്തെ ഓര്‍മ്മകളും അദ്ദേഹത്തെ കുറിച്ചുള്ള തന്റെ അഭിപ്രായങ്ങളും പങ്കുവെക്കുകയാണ് നടന്‍ പൃഥ്വിരാജ്. കോളേജ് വിദ്യാര്‍ത്ഥികളുമായി സംവദിക്കുന്ന പരിപാടിക്കിടെയാണ് മമ്മൂട്ടിയെ കുറിച്ച് പൃഥ്വിരാജ് സംസാരിക്കുന്നത്.
തന്റെ അമ്മയുടെ കുടുംബത്തിന് മോഹന്‍ലാലിന്റെ കുടുംബവുമായിട്ടായിരുന്നു ബന്ധമെങ്കിലും താന്‍ കുട്ടിക്കാലത്ത് ഏറെ നാള്‍ ചെലവഴിച്ചത് മമ്മൂട്ടിയുടെ വീട്ടിലാണെന്ന് പൃഥ്വിരാജ് പറയുന്നു.
മലയാളസിനിമയിലെ ഏറ്റവും സ്റ്റൈലിഷായ നടന്‍ മമ്മൂട്ടിയാണെന്നും പണ്ടും ഇപ്പോഴും അത് അങ്ങനെ തന്നെയാണെന്നും പൃഥ്വിരാജ് പറയുന്നുണ്ട്.
‘കുടുംബപരമായി അമ്മയുടെ ഫാമിലിയുമായി ലാലേട്ടന്റെ ഫാമിലിയാണ് കുറച്ചുകൂടെ അടുത്തുനില്‍ക്കുന്നതെങ്കിലും ഞാന്‍ കുട്ടിക്കാലത്ത് ഏറ്റവും കൂടുതല്‍ സമയം ചെലവഴിച്ച മറ്റൊരു നടന്റെ വീട് മമ്മൂക്കയുടേയാണ്.
