ലഖ്‌നൗ: ഉത്തർപ്രദേശിലെ സംഭാൽ ജില്ലയിൽ വെള്ളിയാഴ്ച രാത്രി പ്രായപൂർത്തിയാകാത്ത പെൺകുട്ടിയെ ബലാത്സംഗം ചെയ്യാൻ ശ്രമിച്ച 24 കാരനായ യുവാവിനെയും ഒപ്പം ഉണ്ടായിരുന്ന പ്രായപൂർത്തിയാകാത്ത സഹോദരനെയും പൊലീസ് അറസ്റ്റ് ചെയ്തു.

പെൺകുട്ടിയുടെ അമ്മയുടെ പരാതിയുടെ അടിസ്ഥാനത്തിലാണ് ലോക്കൽ പൊലീസ് എഫ്.ഐ.ആർ രജിസ്റ്റർ ചെയ്തത്. മദ്രസയിൽ വിദ്യാർത്ഥിയായിരുന്ന തൻ്റെ സഹോദരനെ അന്വേഷിച്ച് മകൾ പള്ളിയിൽ പോയിരുന്നുവെന്ന് അവർ അവകാശപ്പെട്ടു.

‘രണ്ട് സഹോദരന്മാർ അവളെ അവിടെ ഒരു മുറിയിൽ രണ്ട് മണിക്കൂറിലധികം ബന്ദിയാക്കി,’ പെൺകുട്ടിയുടെ അമ്മ ആരോപിച്ചു. പിന്നീട് താനും മറ്റുള്ളവരും തന്നെ അന്വേഷിച്ച് പള്ളിയിലെത്തുകയും പള്ളി പരിസരത്ത് കടന്നതായും അവർ എഫ്.ഐ.ആറിൽ പറഞ്ഞു. തുടർന്നുള്ള അന്വേഷണത്തിൽ പെൺകുട്ടിയെ ഒരു മുറിയിൽ ബന്ദിയാക്കി വെച്ചിരിക്കുന്നത് കണ്ടെത്തുകയായിരുന്നെന്ന് മാതാവ് പറഞ്ഞു.

തുടർന്ന് പ്രദേശവാസികൾ പള്ളിയിൽ തടിച്ചു കൂടുകയും സഹോദരങ്ങളെ മർദ്ദിക്കാൻ ശ്രമിക്കുകയും ചെയ്തു. പൊലീസ് അവരെ രക്ഷപ്പെടുത്തി ലോക്കൽ പൊലീസ് സ്റ്റേഷനിലേക്ക് കൊണ്ടുപോയി.

‘കുറ്റവാളികൾ രണ്ടുപേരെയും ജയിലിലേക്ക് അയച്ചു. കുറ്റവാളികൾ തന്നെ ബലാത്സംഗം ചെയ്യാൻ ശ്രമിച്ചതായി പെൺകുട്ടി അമ്മയോട് പറഞ്ഞു, ‘ സംഭാൽ പൊലീസ് സൂപ്രണ്ട് (എസ്.പി ) കൃഷ്ണ കുമാർ ബിഷ്‌നോയ് പറഞ്ഞു.

ഇരുവർക്കുമെതിരെ ഭാരതീയ ന്യായ സൻഹിത (ബി.എൻ.എസ്) സെക്ഷൻ 127 , സെക്ഷൻ 74 (ആക്രമണം അല്ലെങ്കിൽ ക്രിമിനൽ ബലപ്രയോഗം), ലൈംഗിക കുറ്റകൃത്യങ്ങളിൽ നിന്ന് കുട്ടികളെ സംരക്ഷിക്കൽ (പോക്‌സോ) നിയമം ജുവനൈൽ ജസ്റ്റിസ് (കുട്ടികളുടെ സംരക്ഷണവും സംരക്ഷണവും) എന്നീ വകുപ്പുകൾ പ്രകാരമാണ് കേസെടുത്തിരിക്കുന്നത്.

Content Highlight: 2 held for molesting, attempting to rape minor girl in UP’s Sambhal