ഉത്തര്‍പ്രദേശില്‍ ദേശസുരക്ഷാ കുറ്റം ചുമത്തിയ 139 കേസില്‍ 76 ഉം ഗോവധമാരോപിച്ചുള്ളവയെന്ന് റിപ്പോര്‍ട്ട്
ഡൂള്‍ന്യൂസ് ഡെസ്‌ക്
Wednesday, 19th August 2020, 10:12 pm
ലക്‌നൗ: യു.പിയില്‍ ഗോവധത്തിന്റെ പേരില്‍ ദേശ രക്ഷാ നിയമം ചുമത്തി കേസെടുത്തത് 76 പേര്‍ക്കെതിരെ. സംസ്ഥാനത്തെ മുതിര്‍ന്ന സര്‍ക്കാര്‍ ഉദ്യോഗസ്ഥന്റെതാണ് ഈ വെളിപ്പെടുത്തല്‍.
ഈ വര്‍ഷത്തെ കണക്കുകള്‍ പ്രകാരം 139 പേര്‍ക്കെതിരെ ദേശ രക്ഷാ നിയമം ചുമത്തി കേസെടുത്തിട്ടുണ്ട്. അതില്‍ പകുതിയിലധികം പേര്‍ക്കെതിരെയും ഗോവധം ചുമത്തിയാണ് കേസെടുത്തിരിക്കുന്നതെന്നും അദ്ദേഹം പറഞ്ഞു.
