ബംഗാളില്‍ ബോംബ് സ്‌ഫോടനം; ഒരാള്‍ കൊല്ലപ്പെട്ടു; പരസ്പരം പഴിചാരി തൃണമൂലും ബി.ജെ.പിയും
ഡൂള്‍ന്യൂസ് ഡെസ്‌ക്
Sunday, 7th March 2021, 8:40 am
കൊല്‍ക്കത്ത: പശ്ചിമബംഗാളില്‍ ബോംബ് സ്‌ഫോടനത്തില്‍ ഒരാള്‍ കൊല്ലപ്പെട്ടു. ഗോസബ പ്രദേശത്ത് വെള്ളിയാഴ്ച രാത്രി നടന്ന ബോംബ് സ്‌ഫോടനത്തില്‍ 25കാരനാണ് കൊല്ലപ്പെട്ടത്. സ്‌ഫോടത്തില്‍ അഞ്ച് പേര്‍ക്ക് പരിക്കേല്‍ക്കുകയും ചെയ്തു. സംഭവത്തില്‍ രണ്ട് പേരെ അറസ്റ്റ് ചെയ്തതായി പൊലീസ് അറിയിച്ചു.
നിയമസഭാ തെരഞ്ഞെടുപ്പ് അടുത്തിരിക്കെ ഉണ്ടായ സംഭവത്തില്‍ തൃണമൂല്‍ കോണ്‍ഗ്രസും ബി.ജെ.പിയും പരസ്പരം പഴിചാരുകയാണ്.
അക്രമ രാഷ്ട്രീയം അതിന്റെ കൊടുമുടിയിലെത്തിയെന്നും തൃണമൂല്‍ കോണ്‍ഗ്രസ് ഗുണ്ടകളെ ഇറക്കി ബോംബിട്ടതാണെന്നുമാണ് ബി.ജെ.പിയുടെ ആരോപണം. എന്നാല്‍ ബി.ജെ.പി പ്രവര്‍ത്തകര്‍ ബോംബ് ഉണ്ടാക്കുന്നതിനിടയില്‍ സ്‌ഫോടനം നടന്നുവെന്നാണ് തൃണമൂല്‍ പറയുന്നത്.
