ലഖ്‌നൗ: കോണ്‍ഗ്രസ് തട്ടകമായ റായ്ബറേലിയില്‍ കോണ്‍ഗ്രസിനെതിരെ രൂക്ഷ വിമര്‍ശനവുമായി ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ്.
സോണിയ ഗാന്ധിയുടെ നേതൃത്വത്തിലുള്ള കോണ്‍ഗ്രസ് രാജ്യത്തിന് ഒരു പ്രശ്‌നമാണെന്നും അരാജകത്വത്തിന്റെയും അഴിമതിയുടെ ഭീകരവാദത്തിന്റെയും വേരായി പ്രവര്‍ത്തിക്കുകയാണെന്നും യോഗി ആരോപിച്ചു.
യു.പിയില്‍ നടക്കാനിരിക്കുന്ന നിയമസഭാ തെരഞ്ഞെടുപ്പിന് മുന്നോടിയായി ബി.ജെ.പി സംഘടിപ്പിച്ച ‘ജന്‍ വിശ്വാസ് യാത്ര’യില്‍ ജനങ്ങളെ അഭിസംബോധന ചെയ്ത് സംസാരിക്കുകയായിരുന്നു യോഗി.
സമാജ്‌വാദി പാര്‍ട്ടിയെ ഉന്നംവെച്ചും യോഗി പ്രസംഗത്തില്‍ സംസാരിച്ചു. ”ഈ പാര്‍ട്ടിയുടെ കൊടി നാട്ടിയ വണ്ടി കണ്ടാല്‍ അതിനുള്ളില്‍ ഗുണ്ടകളുണ്ടാകുമെന്ന് ജനങ്ങള്‍ക്കറിയാം,” എന്നായിരുന്നു സമാജ്‌വാദി പാര്‍ട്ടിയെ ഉന്നംവെച്ച് യോഗി പറഞ്ഞത്.
സോണിയ ഗാന്ധിയുടെ മണ്ഡലമാണ് റായ്ബറേലി. ”റായ് ബറേലിയിലെ പ്രതിനിധി ബി.ജെ.പിക്കൊപ്പം ചേരുന്നത് കണ്ടാല്‍ അറിയാം കോണ്‍ഗ്രസ് റായ്ബറേലിയില്‍ നിന്നും പിഴുതെറിയപ്പെടും എന്ന്.
