ബസ്സുമാണ് അതേസമയം ട്രെയിനുമാണ്; ലോകത്തെ ആദ്യ ഡ്യുവല്‍-മോഡ് വാഹനം നിരത്തിലിറക്കി ജപ്പാന്‍
ഡൂള്‍ന്യൂസ് ഡെസ്‌ക്
Saturday, 25th December 2021, 3:13 pm
ടോക്യോ: ലോകത്തിലെ ആദ്യത്തെ ഡ്യുവല്‍-മോഡ് വാഹനം ജപ്പാനില്‍ നിരത്തിലിറങ്ങി. റോഡിലൂടെയും റെയില്‍വേ ട്രാക്കിലൂടെയും ഒരുപോലെ സഞ്ചരിക്കാവുന്ന വാഹനമാണിത്.
ജപ്പാനിലെ ടൊകുഷിമയിലെ കെയ്‌യോ നഗരത്തില്‍ ശനിയാഴ്ചയായിരുന്നു ഈ വാഹനം പൊതുജനങ്ങള്‍ക്ക് മുന്നില്‍ ആദ്യമായി ഓടിയത്.
കണ്ടാല്‍ ഒരു മിനിബസ്സിനെ പോലെ തോന്നിക്കുന്ന ഈ വാഹനം റോഡിലിറങ്ങുമ്പോള്‍ സാധാരണ വാഹനങ്ങള്‍ക്കുള്ളത് പോലെ റബ്ബര്‍ ടയറിലായിരിക്കും സഞ്ചരിക്കുക.
അതേസമയം റെയില്‍ ട്രാക്കിലേക്ക് പ്രവേശിച്ച് കഴിഞ്ഞാല്‍ വാഹനത്തിനുള്ളില്‍ നിന്നും സ്റ്റീല്‍ ടയറുകള്‍ പുറത്തേക്ക് വരികയാണ് ചെയ്യുന്നത്. ഇതോടെ വാഹനം ഒരു ട്രെയിന്‍ കാര്യേജായി മാറുന്നു.
