യുവതിക്കെതിരെ അശ്ലീല വീഡിയോ; ഓണ്‍ലൈന്‍ ചാനലുകാരന്‍ അറസ്റ്റില്‍
ഡൂള്‍ന്യൂസ് ഡെസ്‌ക്
Sunday, 26th May 2024, 10:13 am
കൊച്ചി: യുവതിയെ അപകീര്‍ത്തിപ്പെടുത്തിയ കേസില്‍ ഓണ്‍ലൈന്‍ ചാനലുകാരന്‍ അറസ്റ്റില്‍. ന്യൂസ് കഫേ ഓണ്‍ലൈന്‍ പോര്‍ട്ടല്‍ നടത്തിപ്പുകാരനായ മലപ്പുറം അമരമ്പലം സൗത്ത് മാമ്പൊയില്‍ വേണാനിക്കോട് വീട്ടില്‍ ബൈജുവിനെയാണ് എറണാകുളം പൊലീസ് അറസ്റ്റ് ചെയ്തത്.
ഓണ്‍ലൈന്‍ ചാനലില്‍ ജോലി ചെയ്യുന്ന യുവതിയാണ് ഇയാള്‍ക്കെതിരെ പൊലീസില്‍ കേസ് നല്‍കിയത്. ന്യൂസ് കഫേ എന്ന ഓണ്‍ലൈന്‍ ചാനലിലൂടെ ബൈജു മറ്റൊരു ഓണ്‍ലൈന്‍ പോര്‍ട്ടലില്‍ ജോലി ചെയ്യുന്ന പെണ്‍കുട്ടിയെയും അവരുടെ അമ്മയെയും കുറിച്ച് അശ്ലീല ചുവയോടെ വീഡിയോ ചെയ്യുകയും പ്രചരിപ്പിക്കുകയുമായിരുന്നു.
