മമതാ ദീദിയെയും സ്റ്റാലിനെയും സഹായിക്കാന്‍ കഴിഞ്ഞതില്‍ സന്തോഷമെന്ന് പ്രശാന്ത് കിഷോര്‍; തെരഞ്ഞെടുപ്പ് ഉപദേശക ജോലി ഉപേക്ഷിക്കുന്നെന്നും പ്രഖ്യാപനം
ഡൂള്‍ന്യൂസ് ഡെസ്‌ക്
Sunday, 2nd May 2021, 4:37 pm
ന്യൂദല്‍ഹി: ഏറ്റെടുത്ത ജോലി പൂര്‍ത്തിയായതോടെ താന്‍ തെരഞ്ഞെടുപ്പ് ഉപദേശക ജോലി ഉപേക്ഷിക്കുകയാണെന്ന് തെരഞ്ഞെടുപ്പ് തന്ത്രഞ്ജന്‍ പ്രശാന്ത് കിഷോര്‍. എന്‍.ഡി.ടി.വിക്ക് നല്‍കിയ പ്രത്യേക അഭിമുഖത്തിലായിരുന്നു പ്രശാന്തിന്റെ പ്രഖ്യാപനം.
തെരഞ്ഞെടുപ്പില്‍ ബംഗാളില്‍ മമതയെയും തമിഴ്‌നാട്ടില്‍ എം.കെ സ്റ്റാലിനെയും സഹായിക്കാന്‍ കഴിഞ്ഞതില്‍ സന്തോഷമുണ്ടെന്നും പ്രശാന്ത് കിഷോര്‍ പറഞ്ഞു.
താന്‍ ജോലിയില്‍ നിന്ന് പിന്മാറുകയാണെന്ന പ്രശാന്ത് കിഷോറിന്റെ പ്രഖ്യാപനത്തിന് പിന്നാലെ ഇനി എന്താണ് പരിപാടി എന്ന അവതാരകന്റെ ചോദ്യത്തിന് താന്‍ ഇനി മിക്കവാറും അസാമില്‍ കുടുംബത്തോടെ താമസം മാറുകയും ചായത്തോട്ടം സ്ഥാപിക്കുകയുമായിരിക്കും ചെയ്യുക എന്നും അദ്ദേഹം പറഞ്ഞു.
