പാലക്കാട്: വാളയാറില്‍ ലൈംഗികാക്രമണത്തിന് ഇരയായി രണ്ട് പെണ്‍കുട്ടികള്‍ മരിച്ച സംഭവത്തില്‍ മൂത്തപെണ്‍കുട്ടിയുടെ മരണം സംബന്ധിച്ച കുറ്റപത്രവും മൊഴിപ്പകര്‍പ്പും പുറത്ത്. കുറ്റപത്രത്തില്‍ ഇളയ പെണ്‍കുട്ടിയുടെ മൊഴി രേഖപ്പെടുത്തിയിട്ടില്ല.
പെണ്‍കുട്ടി ലൈംഗികാക്രമണത്തിന് ഇരയാകുന്നത് പെണ്‍കുട്ടിയുടെ വീട്ടിലും വല്യമ്മയുടെ വീട്ടിലും വച്ചാണെന്നാണ് കുറ്റപത്രത്തില്‍ പറയുന്നത്.
2016 ഏപ്രില്‍ മുതല്‍ 2017 ജനുവരിയില്‍ കുട്ടി മരിക്കുന്നതുവരെ ലൈംഗികാക്രമണത്തിന് ഇരയായതായും പറയുന്നുണ്ട്.
പെണ്‍കുട്ടികളുടെ വീട്ടില്‍ പ്രതികള്‍ പലതവണ പോകുന്നത് കണ്ടിട്ടുണ്ടെന്ന് 10 പേര്‍ മൊഴി കൊടുത്തിട്ടുണ്ട്
കുട്ടിയെ ആക്രമത്തിന് ഇരയായത് കണ്ടതായി രണ്ടാനച്ഛന്‍ നേരത്തെ പറഞ്ഞിരുന്നു.
