ലൈഗറിന്റെ വമ്പന്‍ തോല്‍വി; വിജയ് ദേവരകൊണ്ടയുടെ പുതിയ ചിത്രം ഉപേക്ഷിച്ചതായി റിപ്പോര്‍ട്ട്
എന്റര്‍ടെയിന്‍മെന്റ് ഡെസ്‌ക്
Monday, 5th September 2022, 9:16 pm
വമ്പന്‍ പ്രതീക്ഷയില്‍ തിയേറ്ററുകളിലേക്ക് എത്തിയ വിജയ് ദേവരകൊണ്ടയുടെ ചിത്രമാണ് പുരി ജഗനാഥ് സംവിധാനം ചെയ്ത ലൈഗര്‍. എന്നാല്‍ ബോക്‌സ് ഓഫീസ് ഡിസാസ്റ്ററാവാനായിരുന്നു ലൈഗറിന്റെ വിധി. ലൈഗറിന്റെ വമ്പന്‍ പരാജയത്തോടെ വിജയ് ദേവരകൊണ്ടയുടെ പുതിയ ചിത്രമായ ജന ഗണ മന ഉപേക്ഷിച്ചതായാണ് പുറത്ത് വരുന്ന റിപ്പോര്‍ട്ടുകള്‍. പുരി ജഗനാഥിന്റെ തന്നെ സംവിധാനത്തിലൊരുങ്ങുന്ന ചിത്രം ഉപേക്ഷിച്ചതായി ഹിന്ദുസ്ഥാന്‍ ടൈംസ് റിപ്പോര്‍ട്ട് ചെയ്യുന്നു.
ലൈഗറിന്റെ റിലീസിന് മുമ്പ് തന്നെ അനൗണ്‍സ് ചെയ്ത ചിത്രമാണ് ജന ഗണ മന. പൂജ ഹെഗ്‌ഡേയയെയാണ് ചിത്രത്തില്‍ നായിക ആയി നിശ്ചയിച്ചിരുന്നത്. 2023 ഓഗസ്റ്റില്‍ ജന ഗണ മന റിലീസ് ചെയ്യാനായിരുന്നു പ്ലാന്‍ ചെയ്തിരുന്നത്. എന്നാല്‍ ലൈഗറിന്റെ പരാജയത്തോടെയാണ് ജന ഗണ മന ഉപേക്ഷിക്കാന്‍ വിജയ് ദേവരകൊണ്ടയും പുരി ജഗനാഥും തീരുമാനിച്ചത്.
