മൈക്കിളപ്പക്കൊപ്പം ജെസി; ചിത്രം പങ്കുവെച്ച് വീണ നന്ദകുമാര്‍
എന്റര്‍ടെയിന്‍മെന്റ് ഡെസ്‌ക്
Monday, 14th March 2022, 1:54 pm
ഭീഷ്മ പര്‍വ്വത്തില്‍ ഏറ്റവും ജനപ്രീതിയുള്ള കഥാപാത്രം ഏതെന്ന് ചോദിച്ചാല്‍ ഒറ്റ ഉത്തരമേയുള്ളൂ. അത് മൈക്കിള്‍ എന്ന മൈക്കിളപ്പയാണ്. എല്ലാവരും ബഹുമാനത്തോടെയും സ്‌നേഹത്തോടെയും മമ്മൂട്ടിയുടെ കഥാപാത്രത്തെ വിളിക്കുന്ന പേരാണ് മൈക്കിളപ്പ. ചിത്രത്തിലെ ഏത് അഭിനേതാവും മമ്മൂട്ടിയോടൊപ്പമുള്ള ഫോട്ടോ പങ്കുവെച്ചാലും ഒപ്പം കൊടുക്കുന്ന ക്യാപ്ഷനും മൈക്കിളപ്പ എന്നാണ്.
ഇപ്പോഴിതാ ഇതേ ക്യാപ്ഷനോട് കൂടി വീണ നന്ദകുമാറും മമ്മൂട്ടിക്കൊപ്പമുള്ള ചിത്രം പങ്കുവെച്ചിരിക്കുകയാണ്. ഇന്‍സ്റ്റഗ്രാം അക്കൗണ്ടിലൂടെയാണ് താരം ചിത്രം പങ്കുവെച്ചിരിക്കുന്നത്.
ജെസി എന്ന കഥാപാത്രത്തെയാണ് വീണ ഭീഷ്മ പര്‍വ്വത്തില്‍ അവതരിപ്പിച്ചിരിക്കുന്നത്. ഷൈന്‍ ടോം ചാക്കോ അവതരിപ്പിച്ച പീറ്ററിന്റെ ഭാര്യ ആണ് ജെസി. ചിത്രത്തിലെ വീണയുടെ പ്രകടനത്തിനും മികച്ച അഭിപ്രായമാണ് ലഭിച്ചത്.
