വാരിയംകുന്നത്ത് കുഞ്ഞഹമ്മദ് ഹാജിയുടെ യഥാര്‍ത്ഥ ചിത്രം പുറത്ത്
ഡൂള്‍ന്യൂസ് ഡെസ്‌ക്
Friday, 29th October 2021, 6:27 pm
മലപ്പുറം: മലബാര്‍ സമരനായകന്‍ വാരിയംകുന്നത്ത് കുഞ്ഞഹമ്മദ് ഹാജിയുടെ ചിത്രം പുറത്ത്. സുല്‍ത്താന്‍ വാരിയംകുന്നന്‍ എന്ന പുസ്തക പ്രകാശന ചടങ്ങിലാണ് ചിത്രം പുറത്തിറക്കിയത്.
തിരക്കഥാകൃത്ത് റമീസ് മുഹമ്മദാണ് സുല്‍ത്താന്‍ വാരിയന്‍ കുന്നന്‍ എന്ന പുസ്തകം രചിച്ചത്. പുസ്തകം പ്രകാശനം ചെയ്തത് വാരിയംകുന്നത്ത് കുഞ്ഞഹമ്മദ് ഹാജിയുടെ കുടുംബാംഗങ്ങളാണ്.
മലപ്പുറം ടൗണ്‍ഹാളില്‍ നടന്ന ചടങ്ങിലായിരുന്നു പ്രകാശനം. വാരിയംകുന്നത്തിന്റെ ഫോട്ടോയാണ് ഈ പുസ്തകത്തിന്റെ കവര്‍ ചിത്രം.
ഫ്രഞ്ച് ആര്‍ക്കൈവുകളില്‍ നിന്നാണ് വാരിയംകുന്നത്തിന്റെ ചിത്രം ലഭിച്ചതെന്ന് റമീസ് നേരത്തെ പറഞ്ഞിരുന്നു.
