സമയം നിശ്ചയിച്ചു അടുത്ത ആഴ്ച വിയന്നയില്‍; ഇറാനും അമേരിക്കയും ആ വിഷമസന്ധി ചര്‍ച്ചയ്‌ക്കെടുക്കുന്നു
ഡൂള്‍ന്യൂസ് ഡെസ്‌ക്
Saturday, 3rd April 2021, 9:06 am
വാഷിംഗ്ടണ്‍: അമേരിക്കയും ഇറാനും തമ്മില്‍ അടുത്ത ആഴ്ച വിയന്നയില്‍ ആണവകരാറുമായി ബന്ധപ്പെട്ട വിഷയത്തില്‍ ചര്‍ച്ച നടത്തും. യൂറോപ്യന്‍ യൂണിയന്‍ നേതാക്കളും യോഗത്തില്‍ പങ്കെടുക്കും.
2015ല്‍ ഒബാമ സര്‍ക്കാരിന്റെ കാലത്ത് കൊണ്ടുവന്ന ജെ.പി.സി.ഒ.എ കരാറില്‍ നിന്ന് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് 2018ല്‍ പിന്മാറുകയായിരുന്നു. ഇതിന് പിന്നാലെ ട്രംപ് ഇറാനുമേല്‍ ഉപരോധവും ഏര്‍പ്പെടുത്തിയിരുന്നു.
” ഇറാനും അമേരിക്കയുമായുള്ള ബന്ധത്തില്‍ പെട്ടെന്നൊരു വഴിത്തിരവ് ഉണ്ടാകാന്‍ സാധ്യതയില്ല. തീര്‍ച്ചയായും വളരെ പ്രയാസമേറിയ സംഭാഷണം തന്നെയായിരിക്കും നടക്കുക. പക്ഷേ ഇത് ആരോഗ്യകരമായ ചുവടുവെപ്പായി ഞങ്ങള്‍ കരുതുന്നു,” യു.എസ് സ്റ്റേറ്റ് ഡിപ്പാര്‍ട്ട്‌മെന്റ് വക്താവ് നെഡ് പ്രൈസ് പറഞ്ഞു.
