പുതുവത്സരത്തില്‍ ഗിന്നസ് റെക്കോര്‍ഡുകള്‍ സ്വന്തമാക്കി യു.എ.ഇ
ഡൂള്‍ന്യൂസ് ഡെസ്‌ക്
Saturday, 1st January 2022, 11:26 pm
റാസല്‍ഖൈമ: പുതുവര്‍ഷാഘോഷത്തോടനുബന്ധിച്ച് കരിമരുന്നു പ്രയോഗം നടത്തി ഇരട്ട ഗിന്നസ് റെക്കോര്‍ഡുകള്‍ സ്വന്തമാക്കി റാസല്‍ഖൈമ. ഏറ്റവും ഉയരത്തിലും കൂടുതല്‍ മേഖലകളിലും ഡ്രോണുകള്‍ ഉപയോഗിച്ചുള്ള കരിമരുന്നു പ്രയോഗത്തിനാണ് റെക്കോര്‍ഡുകള്‍ പിറന്നത്.
അബുദാബിയില്‍ പുതുവത്സരാഘോഷത്തിന്റെ ഭാഗമായി പിറന്നത് മൂന്ന് പുതിയ ഗിന്നസ് റെക്കോര്‍ഡുകളാണുണ്ടായത്. അല്‍ വത്ബയിലെ ശൈഖ് സായിദ് ഫെസ്റ്റിവല്‍ 40 മിനുറ്റ് നീണ്ടുനിന്ന വെടിക്കെട്ടിലൂടെയാണ് കാഴ്ചക്കാരെ വിസ്മയിപ്പിച്ചത്.
വലിപ്പത്തിലും ദൈര്‍ഘ്യത്തിലും ആകൃതിയിലുമാണ് ഈ വെടിക്കെട്ട് റെക്കോര്‍ഡുകള്‍ ഭേദിച്ചത്.
