തങ്കച്ചി പാസം ഓവര്‍ ലോഡഡ്; പ്യാലി ടൈറ്റില്‍ സോങ് പുറത്ത്
എന്റര്‍ടെയിന്‍മെന്റ് ഡെസ്‌ക്
Thursday, 30th June 2022, 6:54 pm
ബബിത- റിന്‍ ദമ്പതികള്‍ സംവിധാനം ചെയ്യുന്ന പ്യാലി എന്ന ചിത്രത്തിലെ ആദ്യ ഗാനം പുറത്ത്. ദുല്‍ഖര്‍ സല്‍മാന്റെ യൂട്യൂബ് ചാനലിലൂടെയാണ് കെ.എസ്. ഹരിശങ്കര്‍ ആലപിച്ച പ്യാലി എന്ന് തന്നെ തുടങ്ങുന്ന ഗാനം പുറത്ത് വന്നത്. സഹോദര സ്‌നേഹത്തിന്റെ ആഴമാണ് ഗാനരംഗത്തില്‍ ചിത്രീകരിച്ചിരിക്കുന്നത്. അനിയത്തിയെ സ്‌നേഹം കൊണ്ട് വീര്‍പ്പ് മുട്ടിക്കുന്ന ചേട്ടനെയാണ് പാട്ടില്‍ കാണുന്നത്. ദുല്‍ഖര്‍ സല്‍മാന്‍ പാട്ടിന്റെ ലിങ്ക് ഫേസ്ബുക്കിലൂടെയും പങ്കുവെച്ചിട്ടുണ്ട്.
ബബിത- റിന്‍ ദമ്പതിമാര്‍ തന്നെയാണ് ചിത്രത്തിന്റെ തിരക്കഥ എഴുതുന്നതും. ചിത്രം ജൂലൈ എട്ടിന് റിലീസ് ചെയ്യും. നേരത്തെ പുറത്ത് വന്ന ചിത്രത്തിന്റെ ഫസ്റ്റ് ലുക്ക് പോസ്റ്ററും ടീസറുമൊക്കെ ശ്രദ്ധ നേടിയിരുന്നു.
