സ്ത്രീകളുടെ പ്രതിഷേധത്തിന് നേരെ താലിബാന്റെ വെടിവെപ്പ്
ഡൂള്‍ന്യൂസ് ഡെസ്‌ക്
Thursday, 30th September 2021, 1:33 pm
കാബൂള്‍: അഫ്ഗാനിസ്ഥാനില്‍ സ്ത്രീകളുടെ പ്രതിഷേധത്തിന് നേരെ താലിബാന്റെ വെടിവെപ്പ്.
കിഴക്കന്‍ കാബൂളിലെ ഒരു ഹൈസ്‌കൂളിന് പുറത്ത് പെണ്‍കുട്ടികള്‍ക്ക് സെക്കന്‍ഡറി സ്‌കൂളിലേക്ക് മടങ്ങാനുള്ള അവകാശം ആവശ്യപ്പെട്ട് നടത്തിയ പ്രതിഷേധത്തിന് നേരെയാണ് താലിബാന്റെ ആക്രമണം. ആറ് പേര് മാത്രമാണ് ഒത്തുകൂടിയിരുന്നത്.
‘ ഞങ്ങളുടെ പേന തകര്‍ക്കരുത്, ഞങ്ങളുടെ പുസ്തകം കത്തിക്കരുത്, ഞങ്ങളുടെ സ്‌കൂള്‍ അടക്കരുത് ,’ എന്നെഴുതിയ ബാനറുമായിട്ടായിരുന്നു പ്രതിഷേധം. ഇത് താലിബാന്‍ വലിച്ചുകളയുകയും പ്രതിഷേധക്കാരെ ബലം ഉപയോഗിച്ച് പിരിച്ചുവിടാന്‍ ശ്രമിക്കുകയും ചെയ്തു. തുടര്‍ന്ന് വെടിയുതിര്‍ക്കുകയായിരുന്നു.
