ചിത്രത്തിന് ബര്‍മുഡയെന്ന് പേര് നല്‍കാനുള്ള കാരണം തുറന്നു പറഞ്ഞ് ടി.കെ. രാജീവ് കുമാര്‍
എന്റര്‍ടെയിന്‍മെന്റ് ഡെസ്‌ക്
Thursday, 10th June 2021, 3:47 pm
ടി.കെ. രാജീവ് കുമാര്‍ സംവിധാനം ചെയ്ത് ഷെയിന്‍ നിഗം നായകനാകുന്ന ചിത്രമാണ് ബര്‍മുഡ. സിനിമക്ക് ബര്‍മുഡയെന്ന് പേരിടാനുള്ള കാരണം തുറന്നു പറയുകയാണ് ടി.കെ. രാജീവ് കുമാര്‍.
‘യഥാര്‍ത്ഥ ജീവിതവുമായി ബന്ധപ്പെട്ടുള്ള കഥയാണ് ബര്‍മുഡയില്‍ പറയുന്നത്. മിസ്ട്രീസ് ഓഫ് മിസ്സിംഗ് എന്നതാണ് ചിത്രത്തിന്റെ ടാഗ്‌ലൈന്‍. മനുഷ്യന്റെ ജീവിതത്തിലെ മിസ്സിംഗ് എലമെന്റുമായി ചിത്രത്തിന് ബന്ധമുണ്ട്. അതുകൊണ്ടാണ് ബര്‍മുഡ എന്ന പേര് നല്‍കിയത്,’ രാജീവ് കുമാര്‍ പറഞ്ഞു.
ഷെയിന്‍ നിഗം, വിനയ് ഫോര്‍ട്ട് എന്നിവരാണ് ചിത്രത്തില്‍ ലീഡിങ് കാരക്ടറുകള്‍ ചെയ്യുന്നത്. 15 ദിവസത്തെ ഷൂട്ടിങ്ങ് പൂര്‍ത്തിയാക്കിയപ്പോഴേക്കും കൊവിഡ് വരികയായിരുന്നു.
എന്‍.ഡി.ടി.വിയില്‍ ഒരു സംഭവം കേള്‍ക്കാനിടയായതാണ് സിനിമയെക്കുറിച്ച് ആലോചിച്ചതിന്റെ തുടക്കമെന്നും രാജീവ് കുമാര്‍ വെള്ളിത്തിരക്ക് നല്‍കിയ അഭിമുഖത്തില്‍ പറയുന്നു.
