തിരുവനന്തപുരം: നാളികേര വികസന ബോര്‍ഡ് അംഗമായി സുരേഷ് ഗോപി എം.പിയെ തെരഞ്ഞെടുത്തു. ബി.ജെ.പി സംസ്ഥാന അധ്യക്ഷന്‍ കെ. സുരേന്ദ്രനാണ് ഇക്കാര്യം ഫേസ്ബുക്കിലൂടെ അറിയിച്ചത്.
കേരളത്തിലെ നാളികേര കര്‍ഷകരുടെ പ്രശ്നങ്ങള്ക്ക് പരിഹാരം കാണാന്‍ അദ്ദേഹത്തിന്റെ ഈ നിയോഗം ഉപകാരപ്പെടുമെന്ന് കെ. സുരേന്ദ്രന്‍ പറഞ്ഞു.
കൊച്ചി ആസ്ഥാനമായി പ്രവര്‍ത്തിക്കന്ന നാളികേര വികസന ബോര്‍ഡിലേയ്ക്ക് കഴഞ്ഞ ദിവസം സുരേഷ് ഗോപിയെ രാജ്യസഭ തെരഞ്ഞെടുക്കുകയായിരുന്നു.
കേന്ദ്ര കാര്‍ഷിക മന്ത്രാലയത്തിന് കീഴിലാണ് നാളികേര വികസന ബോര്‍ഡ് പ്രവര്‍ത്തിക്കുന്നത്. നാളികേരത്തിന്റെയും നാളികേര ഉല്‍പ്പന്നങ്ങളുടെയും വികസനത്തിനായാണ് ബോര്‍ഡ് പ്രവര്‍ത്തിക്കുന്നത്.
നാളികേര ഉത്പാദനളുടെ വിപണം പ്രാത്സാഹിപ്പിക്കുകയാണ് നാളികേര വികസന ബോര്‍ഡിന്റെ ലക്ഷ്യം. കേരളത്തില്‍ ആലുവയ്ക്കടുത്ത് വാഴക്കുളത്ത് ബോര്‍ഡ് സാങ്കേതിക വികസന കേന്ദ്രം സ്ഥാപിച്ചിട്ടുണ്ട്.
