“തമിഴില്‍ ഒരു സൂപ്പര്‍ സ്റ്റാറെ ഉള്ളു അന്നും ഇന്നും എന്നും അത് രജനി സാര്‍ ആണ്” കുറച്ച് കാലം മുമ്പ് അടുത്ത സൂപ്പര്‍ സ്റ്റാര്‍ ആര് എന്ന ചര്‍ച്ചയെ തുടര്‍ന്ന് ഇളയ ദളപതി വിജയ് പറഞ്ഞ വാക്കുകളാണിത്. ഇത് ശരിവെച്ച് കൊണ്ട് തന്നെയാണ് രജനിയുടെ പുതിയ സിനിമയായ പേട്ടയുടെ ട്രെയ്‌ലര്‍ പുറത്ത് വന്നത്.
കാര്‍ത്തിക് സുബ്ബരാജ് സംവിധാനം ചെയ്യുന്ന ചിത്രത്തില്‍ രജനി പടത്തിന് ആവശ്യമുള്ള മാസും സ്റ്റെലും സംഘട്ടനങ്ങളും ഗാനങ്ങളുമെല്ലാം ഒരുക്കിയിട്ടുണ്ട്. സ്റ്റൈല്‍ മന്നന്‍ എന്ന പേര് അന്വര്‍ത്ഥമാക്കുന്ന തരത്തില്‍ കൂള്‍ ലൂക്കിലാണ് രജനി എത്തുന്നത്.
വിജയ് സേതുപതി, ശശികുമാര്‍, നവാസുദ്ദീന്‍ സിദ്ദിഖി, തൃഷ, സിമ്രണ്‍, ബോബി സിംഹ എന്നിങ്ങനെ വമ്പന്‍ താരനിര തന്നെ ചിത്രത്തിലുണ്ട്.
പീറ്റര്‍ ഹെയ്ന്‍ ആണ് ചിത്രത്തിലെ സംഘട്ടനം. അനിരുദ്ധാണ് ചിത്രത്തിന്റെ സംഗീതം . സണ്‍ പിക്‌ചേഴ്‌സ് നിര്‍മിച്ചിരിക്കുന്ന ചിത്രം പൊങ്കലിന് പ്രദര്‍ശനത്തിനെത്തും.