വിവാഹശേഷമാണ് ആദ്യമായി വോട്ടുചെയ്യുന്നത് തന്നെ, കൃഷ്ണകുമാര്‍ രാഷ്ട്രീയക്കാരനാകുമെന്ന് കരുതിയില്ല; സിന്ധു കൃഷ്ണകുമാര്‍ പറയുന്നു
ഡൂള്‍ന്യൂസ് ഡെസ്‌ക്
Wednesday, 31st March 2021, 5:03 pm
തിരുവനന്തപുരം മണ്ഡലത്തിലെ എന്‍.ഡി.എ സ്ഥാനാര്‍ത്ഥിയായ കൃഷ്ണകുമാറിന്റെ രാഷ്ട്രീയപ്രവേശനത്തെക്കുറിച്ചും സ്ഥാനാര്‍ത്ഥിത്വത്തെക്കുറിച്ചും പ്രതികരിച്ച് ഭാര്യ സിന്ധു കൃഷ്ണകുമാര്‍.
കൃഷ്ണകുമാര്‍ രാഷ്ട്രീയക്കാരനാകുമെന്ന് ഒരിക്കലും പ്രതീക്ഷിച്ചിരുന്നില്ലെന്ന് സിന്ധു മാധ്യമങ്ങളോട് പറഞ്ഞു. തനിക്ക് രാഷ്ട്രീയമില്ലെന്നും വീട്ടില്‍ രാഷ്ട്രീയം സംസാരിക്കാറില്ലെന്നും സിന്ധു പറയുന്നു.
‘വിവാഹശേഷമാണ് ഞാന്‍ ആദ്യമായി വോട്ട് ചെയ്യുന്നതു തന്നെ. ഞങ്ങളുടെ കോളേജില്‍ രാഷ്ട്രീയം ഇല്ലായിരുന്നു. അതുകൊണ്ടാണ് ഇതിനെക്കുറിച്ച് വലിയ അറിവില്ലാതിരുന്നത്. വോട്ടിങ്ങ് നമ്മുടെ അവകാശമാണെന്ന് പറഞ്ഞു തരാന്‍ ആരുമുണ്ടായിരുന്നില്ല. കാലങ്ങള്‍ കഴിഞ്ഞാണ് രാഷ്ട്രീയം മനസ്സിലാവുന്നത്,’ സിന്ധു പറയുന്നു.
