ഇനിയൊരിക്കലും പഴയതുപോലെയാകുമെന്ന് കരുതിയില്ല, 25 തുന്നലുകളാണിട്ടത്; 'ജേഴ്‌സി'ക്കുവേണ്ടി രക്തം നല്‍കിയെന്ന് ഷാഹിദ് കപൂര്‍
എന്റര്‍ടെയിന്‍മെന്റ് ഡെസ്‌ക്
Sunday, 28th November 2021, 12:20 pm
ജേഴ്‌സി സിനിമയുടെ ചിത്രീകരണത്തിനിടെ തനിക്കേറ്റ പരിക്കിനെക്കുറിച്ച് പറയുകയാണ് ബോളിവുഡ് നടന്‍ ഷാഹിദ് കപൂര്‍.
ജേഴ്‌സി സിനിമയുടെ ഷൂട്ടിനിടെ തന്റെ ചുണ്ടുകള്‍ പൊട്ടി 25 തുന്നലുകള്‍ ഇടേണ്ടി വന്നിരുന്നെന്ന് ഷാഹിദ് കപൂര്‍ പറയുന്നു. ഇതുതന്നെയായിരിക്കും ജേഴ്‌സിയെക്കുറിച്ചുള്ള ശക്തമായ ഓര്‍മയെന്നും താരം പറഞ്ഞു.
ഇനിയൊരിക്കലും ചുണ്ടുകള്‍ പഴയതുപോലെ കാണില്ലെന്നാണ് തനിക്ക് തോന്നിയതെന്നും അദ്ദേഹം പറഞ്ഞു.
സീസണ്‍ഡ് ബോള്‍ ഓഫ് ക്യാമറയുമായി പരിശീലിക്കുമ്പോഴാണ് സംഭവം നടന്നതെന്ന് അദ്ദേഹം പങ്കുവെച്ചു. താന്‍ ഹെല്‍മെറ്റ് ധരിക്കാത്തതുകൊണ്ടാണ് പരിക്ക് പറ്റിയതെന്നും താരം സമ്മതിച്ചു.
