ധാര്‍ഷ്ട്യം കീഴടങ്ങി; കര്‍ഷകരുടെ സമരത്തിന് മുന്നില്‍ അഹങ്കാരം കുമ്പിട്ടെന്ന് രാഹുല്‍ ഗാന്ധി
ഡൂള്‍ന്യൂസ് ഡെസ്‌ക്
Friday, 19th November 2021, 10:33 am
ന്യൂദല്‍ഹി: വിവാദ കാര്‍ഷിക നിയമങ്ങള്‍ പിന്‍വലിക്കാനുള്ള കേന്ദ്ര സര്‍ക്കാര്‍ തീരുമാനത്തില്‍ സന്തോഷം പങ്കുവെച്ച് കോണ്‍ഗ്രസ് നേതാവ് രാഹുല്‍ ഗാന്ധി. കര്‍ഷകരുടെ സമരത്തിന് മുന്‍പില്‍ കേന്ദ്രത്തിന്റെ ധാര്‍ഷ്ട്യം കീഴടങ്ങിയെന്നും കര്‍ഷകര്‍ക്കുമുന്‍പില്‍ അഹങ്കാരം അടിയറവു വെക്കേണ്ടി വന്നെന്നും രാഹുല്‍ പറഞ്ഞു.
‘രാജ്യത്തെ കര്‍ഷകര്‍ അവരുടെ സത്യാഗ്രഹത്തിലൂടെ അഹങ്കാരത്തെ പരാജയപ്പെടുത്തി. ജയ് ഹിന്ദ്, ജയ് ഹിന്ദ് കാ കിസാന്‍,’ രാഹുല്‍ പറഞ്ഞു.
‘എന്റെ വാക്കുകള്‍ നിങ്ങള്‍ കുറിച്ചിട്ടോളൂ, ഈ കര്‍ഷകവിരുദ്ധ നിയമം സര്‍ക്കാരിന് പിന്‍വലിക്കേണ്ടി വരും’ എന്ന് പറഞ്ഞുകൊണ്ട് കഴിഞ്ഞ ജനുവരിയില്‍ പങ്കുവെച്ച പോസ്റ്റ് റീഷെയര്‍ ചെയ്താണ് രാഹുല്‍ നിലപാട് വ്യക്തമാക്കിയത്.
