ഞാനൊരു ഫുള്‍ ടൈം പ്രൊഫഷണല്‍ സഞ്ചാരിയാണെന്നാണ് എല്ലാവരും കരുതുന്നത്, എന്നാല്‍ അങ്ങനെയല്ല; സന്തോഷ് ജോര്‍ജ് കുളങ്ങര
ഡൂള്‍ന്യൂസ് ഡെസ്‌ക്
Tuesday, 1st December 2020, 9:49 am
ലോകയാത്രകള്‍ നടത്തി പ്രസിദ്ധനായ വ്യക്തിയാണ് സന്തോഷ് ജോര്‍ജ് കുളങ്ങര. അദ്ദേഹത്തിന്റെ യാത്രാവിവരണശൈലിക്ക് ആരാധകര്‍ ഏറെയാണ്. ഇപ്പോഴിതാ തന്റെ യാത്രയുമായി ബന്ധപ്പെട്ട ഒരു കാര്യം പ്രേക്ഷകരുമായി പങ്കുവെക്കുകയാണ് മനോരമയ്ക്ക് നല്‍കിയ ഒരു അഭിമുഖത്തില്‍ സന്തോഷ് ജോര്‍ജ് കുളങ്ങര.
താനൊരു ഫുള്‍ ടൈം പ്രൊഫഷനല്‍ സഞ്ചാരിയാണെന്നാണ് പൊതുവെ എല്ലാവരും വിചാരിക്കുന്നതെന്നും എന്നാല്‍ അങ്ങനെയല്ലെന്നും പറയുകയാണ് സന്തോഷ് ജോര്‍ജ് കുളങ്ങര. ലേബര്‍ ഇന്ത്യ, മറ്റു സ്ഥാപനങ്ങള്‍, സഫാരി ചാനല്‍ ഇതൊക്കെ കഴിഞ്ഞു കിട്ടുന്ന കുറച്ച് സമയങ്ങളിലാണ് താന്‍ ഈ ലോകയാത്രകളെല്ലാം നടത്തുന്നതെന്ന് സന്തോഷ് ജോര്‍ജ് കുളങ്ങര പറഞ്ഞു.
പോകുമ്പോള്‍ ഒരു 30 എപ്പിസോഡ് ഷൂട്ട് ചെയ്തിട്ടാണ് തിരികെ മടങ്ങാറുള്ളതെന്നും ഒരു മാസത്തില്‍ അഞ്ചോ ആറോ ദിവസമാണ് മാറി നില്‍ക്കാറുള്ളതെന്നും അഭിമുഖത്തില്‍ അദ്ദേഹം പറയുന്നു.
