മുംബൈ: ബിഗ് ബോസ് റിയാലിറ്റി ഷോയുടെ 14ാമത്തെ സീസണ്‍ ഹിന്ദിയില്‍ തുടങ്ങുകയാണ്. ഒക്ടോബറിലാണ് ഷോ സംപ്രേഷണം ചെയ്തു തുടങ്ങുന്നത്. ഷോയുടെ അവതാരകനായെത്തുന്ന ബോളിവുഡ് താരം സല്‍മാന്‍ ഖാന്റെ പ്രതിഫലമാണ് ഇപ്പോള്‍ ചര്‍ച്ചയാവുന്നത്.
നേരത്തെ ബിഗ്‌ബോസിന്റെ ഒരു എപ്പിസോഡിനായി 15 കോടി രൂപയാണ് സല്‍മാന്‍ കൈപ്പറ്റുന്നത് എന്നായിരുന്നു റിപ്പോര്‍ട്ടുകള്‍. എന്നാല്‍ ഇപ്പോള്‍ 20 കോടി രൂപയാണ് സല്‍മാന്‍ വാങ്ങുന്നത് എന്നാണ് റിപ്പോര്‍ട്ടുകള്‍. ഈ സീസണിനായി ആകെ 450 കോടി രൂപയുടെ കരാറിനാണ് സല്‍മാന്‍ ധാരണയായിരിക്കുന്നത്.
ഷോയുടെ വിര്‍ച്വല്‍ പ്രമോഷനുള്ള ഫീസുള്‍പ്പെടയാണ് ഈ പ്രതിഫലം. ഒപ്പം കഴിഞ്ഞ സീസണിനു സമാനമായി ഷോ നീണ്ടു പോവുകയാണെങ്കില്‍ കൂടുതല്‍ പണം ഷോ നിര്‍മാതാക്കള്‍ നല്‍കും. ബിഗ് ബോസിന്റെ 13ാം സീസണ്‍ 10 എപ്പിസോഡുകള്‍ കൂടുതല്‍ എടുത്തിരുന്നു. ഇതിനായി ഒരു ദിവസത്തേക്ക് 7.5 കോടി രൂപയാണ് സല്‍മാന്‍ ഖാന്‍ കൈപ്പറ്റിയത്.
Here’s how much #SalmanKhan is getting paid for #BiggBoss14. #TV #reality #show #Bollywood #actor #Radhe #BiggBoss14Promo #shooting #coronavirushttps://t.co/wFX8L8uzpB
— News18 Movies (@News18Movies) September 3, 2020
ഈ സീസണിലെ ബിഗ് ബോസ് 12 ആഴ്ചയാണ് ഉണ്ടാവുക എന്നാണ് ഷോയുമായി ബന്ധപ്പെട്ട് അടുത്ത വൃത്തങ്ങള്‍ സൂചിപ്പിക്കുന്നത്. മുംബൈ ഫിലിം സിറ്റിയില്‍ വെച്ച് നടക്കുന്ന ഷൂട്ടിംഗിനായി എല്ലാ ശനിയാഴ്ചയുമാണ് സല്‍മാന്‍ ഖാന്‍ എത്തേണ്ടത്.
ഡൂള്‍ന്യൂസിനെ ഫേസ്ബുക്ക്, ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
CONTENT HIGHLIGHT: Salman Khan’s Remuneration for Bigg Boss 14