എഡ്വേഡ് സ്നോഡന് റഷ്യന്‍ പൗരത്വം അനുവദിച്ച് പുടിന്‍
ഡൂള്‍ന്യൂസ് ഡെസ്‌ക്
Tuesday, 27th September 2022, 11:28 am
മോസ്‌കോ: എഡ്വേഡ് സ്നോഡന് റഷ്യന്‍ പൗരത്വം അനുവദിച്ച് പ്രസിഡന്റ് വ്‌ളാഡിമിര്‍ പുടിന്‍
2013ല്‍ യു.എസ് ഇന്റലിജന്‍സ്- സെക്യൂരിറ്റി കോണ്‍ട്രാക്ടറായി ജോലി ചെയ്യവെ യു.എസ് ഇന്റലിജന്‍സ് ഏജന്‍സിയായ നാഷണല്‍ സെക്യൂരിറ്റി ഏജന്‍സിയുടെ (എന്‍.എസ്.എ) രഹസ്യനിരീക്ഷണ ഓപ്പറേഷനുകള്‍ സ്നോഡന് ചോര്‍ത്തി പുറത്തുകൊണ്ടുവന്നിരുന്നു. ഈ സംഭവത്തിന് ഒമ്പത് വര്‍ഷത്തിന് ശേഷമാണ് ഇപ്പോള്‍ റഷ്യ സ്നോഡന് പൗരത്വം നല്‍കിയിരിക്കുന്നത്.
തിങ്കളാഴ്ചയായിരുന്നു ഇത് സംബന്ധിച്ച ഉത്തരവ് പുറത്തുവന്നത്.
പുതുതായി റഷ്യന്‍ പൗരത്വം അനുവദിച്ച 75 വിദേശ പൗരന്മാരുടെ പട്ടിക ഉത്തരവിലൂടെ പുറത്തുവിട്ടിരുന്നു. ഇതില്‍ ഒരാളാണ് സ്നോഡന്. റഷ്യന്‍ സര്‍ക്കാരിന്റെ ഔദ്യോഗിക വെബ്സൈറ്റിലാണ് ഉത്തരവ് പ്രസിദ്ധീകരിച്ചത്.
