കോയി സെഹരിയ ബാബുവിന് ചുവട് വെച്ച് രോഹിത്, ഒപ്പം കൂടി ശ്രേയസ് അയ്യരും ശാര്‍ദൂല്‍ താക്കൂറും
ഡൂള്‍ന്യൂസ് ഡെസ്‌ക്
Friday, 26th November 2021, 10:45 pm
സോഷ്യല്‍ മീഡിയയില്‍ ചലഞ്ച് വീഡിയോകള്‍ ഒരു പുതിയ കാര്യമല്ല. പ്രത്യേകിച്ചും അത് സെലിബ്രിറ്റികളുടെയാണെങ്കില്‍ പെട്ടന്നായിരിക്കും പ്രചരിക്കുക. അടുത്ത കാലത്തായി ഇറങ്ങിയ ഹിന്ദി ഗാനങ്ങളൊക്കെ ഇങ്ങനെ ചലഞ്ച് രൂപത്തിലെത്തിയിരുന്നു.
ആഷാ ബോസ്ലെ പാടിയ ‘കോയി സെഹരിയ ബാബു’ എന്ന ഗാനത്തിന്റെ റീമിക്‌സാണ് ഇപ്പോള്‍ സോഷ്യല്‍ മീഡിയില്‍ ട്രെന്‍ഡിങ് ചലഞ്ച്.
ഈ ചലഞ്ച് ഏറ്റെടുത്ത ഇന്ത്യന്‍ ക്രിക്കറ്റ് താരം രോഹിത് ശര്‍മയുടെ വീഡിയോ പ്രചരിക്കുകയാണ്. രോഹിത്തിനൊപ്പം ശ്രേയസ് അയ്യരും, ശാര്‍ദൂല്‍ താക്കൂറും കൂടിയിട്ടുണ്ട്.
