ജിംഖാന് ഐ.എസ്.എല്ലിലേക്ക് മടങ്ങിയെത്തുന്നു; പഴയ ക്ലബ്ബിലേക്കെന്ന് സൂചന
സ്പോര്‍ട്സ് ഡെസ്‌ക്
Tuesday, 4th January 2022, 9:30 pm
കേരളാ ബ്ലാസ്റ്റേഴ്‌സിന്റെയും എ.ടി.കെ മോഹന്‍ ബഗാന്റെയും മുന്‍താരം സന്ദേശ് ജിംഖാന് ഐ.എസ്.എല്ലിലേക്ക് മടങ്ങിയെത്തുന്നുവെന്ന് റിപ്പോര്‍ട്ടുകള്‍. ആന്ധ്രാബസാര്‍ പത്രികയാണ് വാര്‍ത്ത റിപ്പോര്‍ട്ട് ചെയ്യുന്നത്.
2021 ഓഗസ്റ്റില്‍ ക്രൊയേഷ്യന്‍ ക്ലബായ എച്ച്.എന്‍.കെ സിബെനിക്കുമായി താരം കരാറിലെത്തിയിരുന്നു. എന്നാല്‍ ജിംഖാന് ഇതുവരെ ടീമിനായി കളിക്കാന്‍ സാധിച്ചിരുന്നില്ല.
ഫിറ്റ്‌നസ് പ്രശ്‌നങ്ങളും പരിക്കുമാണ് താരത്തെ വലയ്ക്കുന്നത്. ഇതിന് പിന്നാലെയാണ് താരം ഇന്ത്യയിലേക്ക് മടങ്ങിയെത്തുന്നതെന്നാണ് റിപ്പോര്‍ട്ടുകള്‍.
