ബീസ്റ്റ് കണ്ടിട്ട് ഇഷ്ടപ്പെട്ടില്ല? തലൈവര്‍ 169'ല്‍ നിന്ന് നെല്‍സണെ മാറ്റാന്‍ രജനീകാന്ത്; റിപ്പോര്‍ട്ട്
എന്റര്‍ടെയിന്‍മെന്റ് ഡെസ്‌ക്
Tuesday, 19th April 2022, 10:11 pm
നെല്‍സണ്‍ ദിലീപ്കുമാറിന്റെ സംവിധാനത്തില്‍ സൂപ്പര്‍താരം രജനീകാന്ത് അഭിനയിക്കാനിരുന്ന ‘തലൈവര്‍ 169’നില്‍ നിന്നും നെല്‍സണെ മാറ്റുന്നതായി റിപ്പോര്‍ട്ടുകള്‍.
നെല്‍സണിന്റെ സംവിധാനത്തില്‍ അഭിനയിക്കാന്‍ താല്‍പര്യമില്ലാത്തതിനാല്‍ രജനീകാന്ത് സംവിധായകനെ മാറ്റിയതെന്നാണ് പുറത്തുവരുന്ന വാര്‍ത്തകള്‍.
എന്നാല്‍ ഔദ്യോഗിക സ്ഥിരീകരണമൊന്നും ഇതുവരെ വന്നിട്ടില്ല.
വിജയ്‌യെ നായകനാക്കി നെല്‍സണ്‍ ദിലീപ്കുമാര്‍ സംവിധാനം ബീസ്റ്റ് തിയേറ്ററുകളില്‍ പ്രദര്‍ശനം തുടരുന്നതിനിടെയാണ് ഈ റിപ്പോര്‍ട്ടുകള്‍ പുറത്തുവന്നിരിക്കുന്നത്. സമ്മിശ്ര പ്രതികരണമാണ് ബീസ്റ്റിന് ലഭിക്കുന്നത്.
