അവന് ക്രീസില്‍ ഉണ്ടെങ്കില്‍ സ്‌കോര്‍ ബോര്‍ഡ് അനങ്ങികൊണ്ടിരിക്കും, ഒരു എതിരാളികളേയും അവന് ഭയക്കുന്നില്ല; ഇന്ത്യന്‍ യുവതാരത്തെ പുകഴ്ത്തി രവി ശാസ്ത്രി
സ്പോര്‍ട്സ് ഡെസ്‌ക്
Saturday, 25th June 2022, 9:14 am
ഇന്ത്യ-അയര്‍ലാന്‍ഡ് രണ്ട് മത്സരങ്ങളടങ്ങിയ പരമ്പര ഞായറാഴ്ച ആരംഭിക്കും. സീനിയര്‍ താരങ്ങളെല്ലാം ഇംഗ്ലണ്ട് പര്യടനത്തിന് പോയതിനാല്‍ യുവനിരയുമായാണ് ഇന്ത്യ ഇറങ്ങുന്നത്. ഹര്‍ദിക് പാണ്ഡ്യ നയിക്കുന്ന ടീമില്‍ മലയാളി താരം സഞ്ജു സാംസണ്‍ അടക്കം ഒരുപാട് യുവതാരങ്ങളുണ്ട്.
ഐ.പി.എല്ലിലെ മികച്ച പ്രകടനത്തിന്റെ അടിസ്ഥാനത്തില്‍ രാഹുല്‍ ത്രിപാഠിയേയും ഇന്ത്യന്‍ ടീമില്‍ ഉള്‍പ്പെടുത്തിയിട്ടുണ്ട്. ആദ്യമായാണ് ത്രിപാഠിക്ക് ഇന്ത്യന്‍ ടീമില്‍ അവസരം ലഭിക്കുന്നത്. എന്നാല്‍ പ്ലെയിങ് ഇലവനില്‍ താരത്തെ ഉള്‍പ്പെടുത്തുമൊ എന്ന് കണ്ടറിയണം.
മുന്‍ ഇന്ത്യന്‍ താരവും കോച്ചുമായിരുന്ന രവി ശാസ്ത്രയുടെ അഭിപ്രായത്തില്‍ ത്രപാഠിയെ ആദ്യ ഇലവനില്‍ ഇറക്കണമെന്നാണ്. അയാള്‍ ക്രീസില്‍ ഉണ്ടെങ്കില്‍ സ്‌കോര്‍ ബോര്‍ഡ് ചലിച്ചുകൊണ്ടിരിക്കുമെന്നും അയാള്‍ക്ക് ഒരു എതിരാളിയേയും ഭയമില്ലെന്നും ശാസ്ത്രി പറഞ്ഞു.
