പുതുച്ചേരി: കോണ്‍ഗ്രസ് നേതാവ് രാഹുല്‍ ഗാന്ധിയെ പരിഹസിച്ച് കേന്ദ്രആഭ്യന്തര മന്ത്രി അമിത് ഷാ.
മത്സ്യത്തൊഴിലാളികള്‍ക്ക് പ്രത്യേക മന്ത്രാലയം വേണമെന്ന രാഹുല്‍ ഗാന്ധിയുടെ പരാമര്‍ശത്തിന് മറുപടി നല്‍കുകയായിരുന്നു അമിത് ഷാ. തെരഞ്ഞെടുപ്പ് പ്രചാരണത്തിനായി പുതുച്ചേരിയിലെത്തിയപ്പോഴായിരുന്നു അമിത് ഷായുടെ മറുപടി.
കേന്ദ്രം രണ്ടുവര്‍ഷം മുമ്പ് തന്നെ ഫിഷറീസ് വകുപ്പ് ആരംഭിച്ചിട്ടുണ്ടെന്നും അവധിയില്‍ ആയതുകൊണ്ടായിരിക്കും രാഹുല്‍ അക്കാര്യം അറിയാതെ പോയതെന്നും അമിത് ഷാ പരിഹസിച്ചു.
”ഏതാനും ദിവസങ്ങള്‍ക്ക് മുമ്പ് രഹുല്‍ ഗാന്ധി ഇവിടെ പറഞ്ഞു … എന്തുകൊണ്ടാണ് മോദി സര്‍ക്കാര്‍ മത്സ്യത്തൊഴിലാളികള്‍ക്കായി പ്രത്യേക വകുപ്പ് സൃഷ്ടിക്കാത്തത് എന്ന്. മത്സ്യത്തൊഴിലാളികള്‍ക്കായി പ്രത്യേക മന്ത്രാലയം രൂപീകരിക്കുന്നതിന് നരേന്ദ്ര മോദിജി ഇതിനകം തന്നെ പ്രവര്‍ത്തിച്ചിട്ടുണ്ട്. രാഹുല്‍ ഭയ്യ (സഹോദരന്‍) … നിങ്ങള്‍ അവധിയിലായിരുന്നു, അതുകൊണ്ട് നിങ്ങള്‍ക്കതറിയാന്‍ വഴിയില്ല…, ‘ഷാ പറഞ്ഞു.
