ഇന്ന് ലോകത്തിലെ ഏറ്റവും മികച്ച താരത്തിന്റെ കൂടെ കളിക്കാന്‍ സാധിച്ചതില്‍ ഒരുപാട് സന്തോഷം, എന്നാല്‍ ബാഴ്‌സയില്‍ മെസിയേക്കാള്‍ ബന്ധം അയാളോടായിരുന്നു; മുന്‍ ബാഴ്‌സ താരം
സ്പോര്‍ട്സ് ഡെസ്‌ക്
Tuesday, 20th September 2022, 5:18 pm
ക്ലബ്ബ് ഫുട്‌ബോളിലെ എക്കാലത്തെയും മികച്ച ടീമുകളിലൊന്നാണ് സ്പാനിഷ് ക്ലബ്ബായ ബാഴ്‌സലോണ. ഒരു കാലത്ത് ബാഴ്‌സയെ തകര്‍ക്കാന്‍ പോന്ന ടീമുകളൊന്നും ക്ലബ്ബ് ഫുട്‌ബോളിലില്ലായിരുന്നു.
മെസി, ഇനിയേസ്റ്റ, സാവി, റൊണാള്‍ഡീഞ്ഞോ, പുയോള്‍, ഡേവിഡ് വിയ്യ എന്നിവരെല്ലാം ഒരുമിച്ച് അണിനിരന്ന കാലമായിരുന്നു ബാഴ്‌സയുടെ സുവര്‍ണ കാലമെന്ന് അറിയപ്പെടുന്നത്. റൊണാള്‍ഡീഞ്ഞോയുടെ അവസാന കാലങ്ങളിലായിരുന്നു മെസി ബാഴ്‌സയിലെത്തുന്നത്.
മെസിയെ കുറിച്ചും റോണാള്‍ഡീഞ്ഞോയെ കുറിച്ചും സംസാരിക്കുകയാണ് അന്നത്തെ ടീമിന്റെ മിഡ് ഫീല്‍ഡറും മെക്‌സിക്കന്‍ ഇതിഹാസ താരവുമായ റാഫ മാര്‍ക്വസ്. മെസി ലോകത്തിലെ മികച്ച താരമാണെന്നും എന്നാല്‍ കുറച്ചുകൂടെ അടുപ്പമുണ്ടായിരുന്നത് കാനാറികളുടെ ഇതിഹാസമായ റൊണാള്‍ഡീഞ്ഞ്യൊയോടാണെന്ന് അദ്ദേഹം പറയുന്നു.
